ప్రభాస్ పేరు చెబితేనే భయపడుతున్నారా?
By KTV Telugu On 29 October, 2022
అందుకే హృతిక్ రోషన్ వెనక్కి వెళ్లాడా?
సలార్ రిలీజ్ కు లైన్ క్లియర్ చేసిన హృతిక్…
ప్రభాస్ కు హృతిక్ రోషన భయపడ్డాడు అంటూ ఈరోజు టాలీవుడ్ టు బాలీవుడ్ డిస్కషన్ జరిగింది.
ఒకప్పుడు బాలీవుడ్ హీరోలు ఎదురు లేకుండా ఉండేవారు. వారికి ఇష్టం వచ్చినప్పుడు సినిమాలు రిలీజ్ చేసుకుంటూ, కోట్లు కొల్లగొట్టేవారు. కాని ఇప్పుడు సిచ్యువేషన్ పూర్తిగా మారిపోయింది. హిందీ చిత్రాలకు వసూళ్లు తగ్గిపోయాయి. ఈ దశలో సౌత్ సినిమాలతో క్లాష్ వల్ల ఇంకాస్త ఎక్కువగా నష్టపోవాల్సి వస్తుంది. పైగా ప్రభాస్ లాంటి హీరో, అది కూడా ప్రశాంత్ మేకింగ్ లో తెరకెక్కుతున్న సలార్ లాంటి ప్రాజెక్ట్ తో పోటీ పడటం ఇష్టం లేక హృతిక్ తన కొత్త చిత్రం ఫైటర్ ను వాయిదా వేసాడు. వచ్చే ఏడాది సెప్టెంబర్ 28న సలార్ రిలీజ్ కు మూహూర్తం కుదిరింది. హృతిక్ నటిస్తున్న ఫైటర్ ను సెప్టెంబర్ 30న రిలీజ్ చేయాలనుకున్నారు. సిద్దార్ధ్ ఆనంద్ డైరెక్ట్ చేస్తున్న ఈ సినిమాలో హృతిక్ తో పాటు దీపిక పదుకొణె మొదటిసారి నటించబోతోంది. అందుకే ఫైటర్ పై బాలీవుడ్ చాలా ఎక్స్ పెక్టేషన్స్ ఉన్నాయి. ఇలాంటి క్రేజీ ప్రాజెక్ట్ ను తీసుకెళ్లి సలార్ కు పోటీ గా నిలిపి పరువు తీసుకోవడం కంటే వాయిదా వేయడం బెటర్ అని ఫిక్స్ అయ్యాడు హృతిక్. అందుకే 2024 జనవరి 25కి పోస్ట్ పోన్ చేసాడు.