ఆమెను ఆరాధిస్తూనే ఉంటా! విజయ్ దేవరకొండ
By KTV Telugu On 29 October, 2022
కాలేజీ రోజుల్లోనే మొదలైన క్రష్…………
లేడీ సూపర్ స్టార్ సమంతకు విజయ్ దేవరకొండ వీర ఫ్యాన్. తను కాలేజ్ రోజుల్లో ఉన్నప్పుడే బిగ్ స్క్రీన్ పై సమంత ను చూసి పడిపోయాడు. తన అందం , నటన అంటే ఎంతో ఇష్టం ఇప్పటికీ ఎన్నో సార్లు చెప్పాడు. ఇప్పుడు మరోసారి అదే విషయాన్ని చెప్పుకొచ్చాడు. సమంతపై తనకున్న అభిమానాన్ని తాజాగా నెటిజన్స్ తో పంచుకున్నాడు. ఆమెను ఎప్పటికీ ఆరాధిస్తూనే ఉంటాను అన్నాడు. ఇటీవలే సమంత నటించిన యశోద సినిమా ట్రైలర్ ను లాంఛ్ చేసాడు రౌడీ. త్వరలోనే వీరిద్దరు కలసి నటిస్తున్న ఖుషి సినిమా కొత్త షెడ్యూల్ ప్రారంభం కానుంది. నిన్నకోరి, మజిలీ, టక్ జగదీష్ చిత్రాల దర్శకుడు శివ నిర్వాణ డైరెక్ట్ చేస్తున్న ఈ మూవీ నెక్ట్స్ సమ్మర్ లో రిలీజ్ చేసేందుకు ప్లాన్ చేస్తున్నారు. లైగర్ దెబ్బతో బాగా డిస్టర్బ్ గా ఉన్నాడు విజయ్ దేవరకొండ. ఖుషితో ఎట్టిపరిస్థితుల్లో కమ్ బ్యాక్ ఇవ్వాలనుకుంటున్నాడు. మరో వైపు సమంత కూడా ఈ మధ్య సినిమాల్లో కనిపించడం మానేసింది. రెండేళ్ల తర్వాత టాలీవుడ్ కు తిరిగొస్తూ హై వోల్టేజ్ యాక్షన్ ఫిల్మ్ యశోద తీసుకొస్తోంది. అయితే ఖుషితో మాత్రం తన అభిమానులను ఖుషి చేస్తానంటోంది.