ఆగిపోయిన ఖుషి షూటింగ్?
By KTV Telugu On 30 October, 2022
మరో సినిమా మొదలు పెట్టనున్న రౌడీ?
సపోర్ట్ చేస్తానంటున్న దిల్ రాజు?
యంగ్ డైరెక్టర్ శివ నిర్వాణ తెరకెక్కిస్తున్న చిత్రం ఖుషి. ఈ మూవీ కొత్త షెడ్యూల్ ఇప్పటికే ప్రారంభం కావాల్సి ఉంది. కాని సమంత అనారోగ్య సమస్యతో ఇబ్బంది పడుతుండటంతో చిత్ర యూనిట్ షూటింగ్ కు బ్రేక్ వేసింది. సమంత పూర్తి ఆరోగస్యంతో తిరిగొచ్చిన తర్వాతే షూటింగ్ ప్రారంభించాలని యూనిట్ ఫిక్స్ అయింది. అయితే సమంత కోలుకునేందుకు కొంత సమయం పడుతుంది. అందుకే విజయ్ దేవరకొండ ఖుషి కి బ్రేక్ ఇచ్చి, మరో ప్రాజెక్ట్ పట్టాలెక్కించే పనిలో పడ్డాడు. రామ్ చరణ్ తో గౌతమ్ తిన్ననూరి చేయాల్సిన సినిమా, ఇప్పుడు విజయ్ దేవరకొండతో తెరకెక్కించేందుకు ప్లానింగ్ జరుగుతోంది. రౌడీ పూర్తిస్థాయి యాక్షన్ హీరోగా కనిపించబోతున్న మూవీ ఇది. ఈ మూవీని నిర్మించేందుకు దిల్ రాజు ముందుకొచ్చాడట. నవంబర్ నుంచే ఈ క్రేజీ కాంబినేషన్ లో మూవీ స్టార్ట్ కానుందని సమాచారం. మొదట లైగర్ దెబ్బ, తర్వాత జనగణమన ఆగిపోవడం, ఇప్పుడు సమంత హెల్త్ ఇష్యూతో ఖుషి షూటింగ్ కు బ్రేక్ పడటం, కెరీర్ లో వరుస ఎదురు దెబ్బలతో విజయ్ కాస్త డల్ అయినట్లే కనిపిస్తున్నాడు. కొంత సమయం పట్టినా త్వరలోనే అంతా సెట్ అవుతుందని రౌడీకి అభిమానులు ధైర్యం చెబుతున్నారు.