బాలీవుడ్ పైనే రౌడీ ఫోకస్ ? రెండు సినిమాలకు డీల్?
By KTV Telugu On 4 November, 2022
విజయ్ ను వదిలిపెట్టని కరణ్?
విజయ్ దేవరకొండకు చాలా క్రేజ్ ఉంది. ఆ క్రేజ్ తగ్గట్లు సినిమా పడితే మాత్రం, రౌడీ స్టార్ డమ్ మరో లెవల్లో ఉంటుంది.
ఈమాట మేము అనడం కాదు. బాలీవుడ్ ప్రసిద్ధ దర్శకనిర్మాత కరణ్ జోహర్ అనుకుంటున్నాడు. అందుకే బాలీవుడ్ డైరెక్టర్ ద్వారానే విజయ్ దేవరకొండను హిందీ ఇండస్ట్రీలోకి రీలాంఛ్ చేయాలనుకుంటున్నాడు. అందులో భాగంగా తన బ్యానర్ లో ఒక సినిమా ప్లాన్ చేస్తున్నాడు.
ఈ మూవీని షారుఖ్ ఆధ్వర్యంలో నడుస్తున్న రెడ్ ఛిల్లీస్ బ్యానర్ తో కలసి కరణ్ నిర్మించేందుకు ప్రయత్నిస్తున్నాడు.
అదే స్పీడ్ లో ఇంకో మూవీ కూడా నిర్మించాలనుకుంటున్నాడట. టాలీవుడ్ లో, బాలీవుడ్ లో చెప్పుకో దగ్గ హిట్స్ లేకపోయినప్పటికీ, విజయ్ దేవరకొండకు వరుసగా ఆఫర్స్ క్యూ కడుతుండటం, అది కూడా బాలీవుడ్ కు రమ్మంటూ ఒత్తిడి వస్తుండటం చూస్తున్నవారిని విస్మయపరుస్తోంది. లైగర్ ఎఫెక్ట్ తో పూరి జగన్నాథ్ దర్శకత్వంలో తెరకెక్కాల్సిన జనగణమన ఆగిపోయింది. ఈ సినిమా తర్వాత దేవరకొండ చేతిలో ఖుషి అనే మూవీ మాత్రమే ఉంది. మరో వైపు దేవరకొండతో మూవీ ప్లాన్ చేసిన సుకుమార్, కొరటాల శివ ఇప్పుడప్పుడే ఈ యంగ్ హీరోతో మూవీచేసే అవకాశాలు కనిపించడం లేదు.