వచ్చే ఏడేదా జేజమ్మ రీఎంట్రీ
By KTV Telugu On 12 November, 2022
60 శాతానికి పైగా షూటింగ్ పూర్తి
మాస్టర్ చెఫ్ రోల్ చేస్తోన్న అనుష్క
అనుష్క ఫ్యాన్స్ కు గుడ్ న్యూస్. నిశ్శబ్ధం తర్వాత సినిమాలకు దూరంగా ఉంటూ వస్తున్న అనుష్క ఎట్టకేలకు
మహేష్ అనే దర్శకుడితో కలసి కొత్త సినిమాలో నటిస్తోంది. ఈ మూవీలో జాతిరత్నాలు ఫేమ్ నవీన్ పొలిశెట్టి హీరో.
ఇటీవలే అనుష్క బర్త్ డే కానుకగా చిత్ర యూనిట్ స్పెషల్ పోస్టర్ రిలీజ్ చేసిన సంగతి తెలిసిందే. కొత్త సినిమాలో అనుష్క మాస్టర్ చెఫ్ రోల్ చేస్తోంది. అందుకోసం ప్రత్యేమైన శిక్షణ కూడా తీసుకుందంట. ప్రస్తుతం ఈ సినిమా షూటింగ్ లండన్ లో జరుగుతోంది. అక్కడ రెండు వారాల పాటు కీలకమైన షెడ్యూల్ పూర్తి చేసుకున్న తర్వాత హైదరాబాద్ లో మరో కీలకమైన షెడ్యూల్ ను ప్లాన్ చేసింది యూవీ క్రియేషన్స్. నవీన్ పొలిశెట్టి, అనుష్క కాంబినేషన్ ఆడియెన్స్ కు కొత్తగా ఉంటుందని, వచ్చే ఏడాది మూవీని రిలీజ్ చేసేందుకు ఏర్పాట్లు చేస్తున్నాం అంటోంది చిత్ర యూనిట్. ఇప్పటికే దాదాపు 60 శాతం షూటింగ్ పూర్తి చేసుకున్న ఈ సినిమాలో జయసుధ కూడా కీలకమైన పాత్రలో కనిపించబోతున్నారు.