దూకుడు పెంచిన టైగర్
By KTV Telugu On 13 November, 2022
నిన్న న్యూ లుక్… ఈరోజు కొత్త సినిమా టైటిల్?
కొరటాల దర్శకత్వంలో తారక్ నటించే చిత్రం పై నిన్నటి వరకు ఒక్క అప్ డేట్ లేదు. అసలు ఈ సినిమా ఉంటుందా లేదా అన్న సందేహాలు వ్యక్తమయ్యాయి. కాని ఇప్పుడు చూడండి ఎక్కడ చూసిన తారక్ గురించే మాట్లాడుకుంటున్నారు.
ఇప్పటికే ఎన్టీఆర్ న్యూ లుక్ హాట్ టాపిక్ గా మారింది. ఇప్పుడు ఈ మూవీకి దేవర అనే టైటిల్ అనుకుంటున్నట్లు ప్రచారం సాగుతోంది. బండ్ల గణేష్ దగ్గర ఉన్న ఈ టైటిల్ ను కొరటాల తారక్ కోసం కొనుగోలు చేసినట్లు ప్రచారం సాగుతోంది. కాని ఈ వార్తల్లో ఎలాంటి నిజం లేదంటోంది చిత్ర యూనిట్. అసలు సినిమాకు ఇంకా టైటిల్ ఖరారు చేయలేదని చెబుతున్నారు. ఈ విషయం ఇలా ఉంటే కొత్త చిత్రాన్ని తెలుగుతో పాటు కన్నడంలో కూడా తెరకెక్కించేందుకు ఎన్టీఆర్ ప్రయత్నిస్తున్నాడట. కన్నడనాట తారక్ కు అశేషమైన అభిమానులు ఉన్నారు. వారిని దృష్టిలో పెట్టుకుని సినిమాను కన్నడంలో కూడా తెరకెక్కిద్దాం అంటున్నాడట. మరో వైపు జూనియర్ తో కొరటాల చేస్తోన్న చిత్రం గతంలో రామ్ చరణ్ తో కొరటాల చేయాల్సిన సినిమానే అట. ఇప్పటికే పలు సార్లు ఆగిన ఈ ప్రాజెక్ట్ ను ఇప్పుడు పట్టాలెక్కిస్తున్నాడట కొరటాల. అంతేకాదు తారక్ ఇష్టంపైనే కథకు కొరటాల చాలా మార్పులు చేర్పులు చేసాడట.