ఛలో బాలీవుడ్ అంటున్న హరీష్ శంకర్
By KTV Telugu On 13 November, 2022
ఏకంగా బాలీవుడ్ మెగాస్టార్ తో మూవీ
మైత్రీ మూవీ మేకర్స్ మెగా స్కెచ్
హరీష్ శంకర్ అనగానే పవన్ తో చేయాల్సిన భవదీయుడు భగత్ సింగ్ గురించి అడుగుతారు. కాని హరీష్ ఈ పవర్ ప్రాజెక్ట్ ను ఎప్పుడో పక్కనపెట్టేశాడు. తెలుగులో మిగితా హీరోలను ఎవర్నీ సంప్రదించకుండా హిందీ హీరోతో చర్చలు జరుపుతున్నాడు. దబంగ్ ఖాన్ సల్మాన్ ఖాన్ తో స్టోరీ డిస్కషన్స్ జరుపుతున్నాడు. సల్మాన్ కు స్టోరీ నచ్చితే హిందీ డైరెక్టర్ గా ప్రమోషన్ అందుకోవాలి అనేది హరీష్ ప్లాన్. మైత్రీ మూవీ మేకర్స్ కొంత కాలంగా వీరిద్దరి కాంబినేషన్ లో మూవీ ప్లాన్ చేస్తోంది. ప్రస్తుతం పవన్ నుంచి భవదీయుడు భగత్ సింగ్ పై క్లారిటీ వచ్చిన తర్వాత ఇక సల్మాన్ తో చేయాల్సిన సినిమాపైనే ఫోకస్ పెట్టాడు హరీష్. రెండేళ్లుగా భాయ్ జాన్ తో మూవీ కోసం ప్రయత్నిస్తున్నాడు.
గతంలో సల్మాన్ ఖాన్ నటించిన దబంగ్ మూవీని తెలుగులో గబ్బర్ సింగ్ గా తీసి అందర్నీ ఆశ్చర్యపరిచాడు.
అప్పటి నుంచే హరీష్ శంకర్ మేకింగ్ అంటే సల్మాన్ కు చాలా ఇష్టం. ఇప్పుడు అదే స్పీడ్ లో తనకు ఒక అవకాశం ఇవ్వాలనుకుంటున్నాడు. ఈ మూవీని మైత్రీ మేకర్స్ భారీ బడ్జెట్ తో నిర్మించనుంది. సల్మాన్ తో హరీష్ మూవీ ఆల్ మోస్ట్ ఫిక్స్ కావడంతో వరుణ్ తేజ్ తో, బాలయ్య తో, విజయ్ దేవరకొండతో, ఈ మాస్ డైరెక్టర్ సినిమాలు చేస్తాడు అనేది రూమర్ గా మిగిలిపోనుంది.