375 కోట్లు దాటిన కాంతార
By KTV Telugu On 18 November, 2022
గోల్ట్ చైన్ గిఫ్ట్ చేసిన జైలర్
నవంబర్ 24 నుంచి ఓటీటీలో స్ట్రీమింగ్
కాంతార జోరు ఏమాత్రం తగ్గడం లేదు. అందుకే సూపర్ స్టార్ రజనీకాంత్ కాంతార పై మరోసారి ప్రశంసలు కురిపించారు.
50 ఏళ్లకు ఒక్కసారి మాత్రమే ఇలాంటి అద్భుతం జరుగుతుంది అంటూ చెప్పుకొచ్చారు. అంతే కాదు కాంతార హీరో రిషబ్ శెట్టికి బంగారు గొలుసు గిఫ్ట్ గా అందించారు. ఈ విషయాన్ని తమిళ మీడియా ప్రముఖంగా చెప్పుకొస్తోంది. ఈ సినిమా ఇప్పటికే 370 కోట్ల వసూళ్లను దాటింది. కన్నడ ఇండస్ట్రీలో కూడా కేజీయఫ్2 వసూళ్లను దాటినట్లు చెబుతున్నారు.
ఈ సంగతి ఇలా ఉంటే నవంబర్ 24న కాంతార అమెజాన్ ప్రైమ్ లో రిలీజ్ కు ముస్తాబవుతోంది.
ఇప్పటికే మూడు సార్లు ఓటీటీ రిలీజ్ వాయిదా పడింది. దాంతో అమెజాన్ ప్రైమ్ ఇక ఆలస్యం చేసేది లేకుండా ఓటీటీ రిలీజ్ డేట్ రివీల్ చేసింది. తొలుత ఈ చిత్రం నవంబర్ 5న ఓటీటీలో రిలీజ్ చేయాలనుకున్నారు. అప్పుడు దర్శకనిర్మాతలు అమెజాన్ ప్రయత్నాన్ని అడ్డుకున్నారు. ఆ తర్వాత నవంబర్ 18 రిలీజ్ కావాల్సింది. కాని అప్పుడూ నిర్మాత నిరాకరించారు. చివరికి నవంబర్ 24న కాంతార ఓటీటీ రిలీజ్ కు మూహూర్తం ఖరారు అయింది. థియేటర్స్ లో దుమ్మురేపిన ఈ చిత్రం ఓటీటీలో ఇంకెన్ని రికార్డులు బద్దలు కొడుతుందో చూడాల్సి ఉంది.