టాలీవుడ్ ను షేక్ చేస్తున్న రూమర్
By KTV Telugu On 18 November, 2022
మన్మథుడి దర్శకుడితో సమంత సినిమా
యశోద సక్సెస్ ఇచ్చిన జోష్ వల్లే ఆ నిర్ణయం
సమంత నటించిన లేటెస్ట్ ఫిల్మ్ యశోద బ్రేక్ ఈవెన్ కు దగ్గరిలో ఉంది. అంటే పెట్టిన పెట్టుబడి రాబట్టే దిశగా దూసుకుపోతోంది. అందుకే సామ్ కుడా చాలా హ్యాపీగా ఉంది. ఇదే స్పీడ్ లో ఫ్యూచర్ ప్రాజెక్ట్స్ కు గ్రీన్ సిగ్నల్ ఇస్తున్నట్లు సమాచారం. యశోద తర్వాత సమంత నటించిన చిత్రం శాకుంతలం. ఈ మూవీ షూటింగ్ పూర్తైంది. విజయ్ దేవరకొండతో ఖుషి మూవీ మరో 40 శాతం షూటింగ్ పెండింగ్ ఉంది. బాలీవుడ్ లో సిటాడెల్ అనే వెబ్ సిరీస్ లో నటించాల్సి ఉంది. ఈ దశలో సమంత మరో కొత్త సినిమా చేయడానికి ఒప్పుకోవడం ఫ్యాన్స్ కు బిగ్ రిలీఫ్. ఎందుకంటే మయోసైటిస్ నుంచి సమంత తేరుకుంటోంది కాబట్టే ఫ్యూచర్స్ ప్రాజెక్ట్స్ సెట్ చేసుకుంటోంది అని ఆనందపడుతున్నారు సామ్ ఫ్యాన్స్. గతంలో చిలసౌ లాంటి నేషనల్ అవార్డ్ విన్నింగ్ ఫిల్మ్ తీసిన రాహుల్ రవీంద్రని దర్శకత్వంలోనే సమంత నటించబోతోంది. రెండవ సినిమాను నాగార్జునతో మన్మథుడు 2 పేరుతో తీసి చేతులు కాల్చుకున్నాడు రాహుల్. ఈసారి మాత్రం తన కమ్ బ్యాక్ స్ట్రాంగ్ గా ఉండాలనుకుంటున్నాడు.
ఈ సంగతి ఇలా ఉంటే సమంత గ్రీన్ సిగ్నల్ ఇస్తే యశోద 2 తీయడానికి ఈ సినిమా దర్శకనిర్మాతలు సిద్ధం అని ప్రకటించారు.