ఈసారి రతన్ టాటా పై సినిమా?
By KTV Telugu On 23 November, 2022
సుధ కొంగర మరో బయోపిక్?
టాటా పాత్ర కోసం పోటీ పడుతున్న ఇద్దరు హీరోలు?
గురు, ఆకాశమే నీ హద్దురా చిత్రాలతో దర్శకురాలిగా తనకంటూ ప్రత్యేకమైన గుర్తింపు తెచ్చుకుంది సుధ కొంగర.
ప్రస్తుతం సుధ ఆకాశమే నీ హద్దురా మూవీని హిందీలో అక్షయ్ తో రీమేక్ చేస్తున్నారు. ఈ చిత్రం తర్వాత ఆమె మరో బయోపిక్ తెరకెక్కించే అవకాశాలు కనిపిస్తున్నాయి. ఎయిర్ డెక్కన్ ఫౌండర్ గోపీనాథ్ జీవితాన్ని ఆధారంగా చేసుకుని
ఆకాశమే నీ హద్దురా తెరకెక్కించి అబ్బురపరిచారు సుధ కొంగర. ఈసారి లెజెండరీ బిజినెస్ మెన్ టాటా జీవితాన్ని తెరపైకి తీసుకురావాలనుకుంటున్నారట. ఈ బయోపిక్ కు సంబంధించి స్క్రిప్ట్ వర్క్ కూడా కంప్లీట్ అయిందట. ఆకాశమే నీ హద్దురా సూర్య టాటాగా నటిస్తాడని ప్రచారం సాగుతున్న టాటా పాత్రలో అమితాబ్ తనయుడు అభిషేక్ బచ్చన్ అయితే బాగుంటాడని మరికొందరు సుధకు సలహా ఇస్తున్నారట. పైగా అభిషేక్ ధీరుభాయ్ అంబానీ బయోపిక్ లో నటించి మెప్పించిన సంగతి తెలిసిందే. అందుకే టాటా పాత్రలో అభిషేక్ పేరును పరిశీలిస్తోందట సుధ. మరో వైపు సూర్య కూడా చేతినిండా చిత్రాలతో చాలా అంటే చాలా బిజీగా ఉన్నాడు. ఒక వైపు బాలతో, మరోవైపు సూర్యతో, ఇంకో వైపు వెట్రిమారన్ తో, జై భీమ్ దర్శకుడితో సూర్య మూవీస్ చేస్తున్నాడు.