కోరి కష్టాలు తెచ్చుకుంటున్న రష్మిక
By KTV Telugu On 27 November, 2022
రిషబ్ పై రష్మిక కోపం పెంచుకుందా?
అసలు కాంతార ఎందుకు చూడలేదు?
కన్నడ సినీ పరిశ్రమ నుంచి హీరోయిన్ గా పరిచయం అయ్యి ఈ రోజు నేషన్ క్రష్ గా మారింది రష్మిక.
కాని కన్నడ పరిశ్రమ గురించి తనకు హీరోయిన్ గా అవకాశం అందించిన దర్శకుడు రిషబ్ గురించి మాట్లాడటానికి రష్మిక ఇష్టపడటం లేదు. పైగా కన్నడలో మాట్లాడటమే మానేసింది. అన్నిటికంటే పెద్ద విషయం ఏంటంటే తాను ఇంత వరకు కాంతార చూడకపోవడం. వన్ బై వన్ తప్పులు చేస్తూ వెళ్తున్న రష్మిక పై సీరియస్ యాక్షన్ తీసుకునే దిశగా కన్నడ సినిమా పరిశ్రమ వెళ్తోందనే వార్తలు సంచలనాన్ని సృష్టిస్తున్నాయి. కాంతార హీరో రిషబ్ శెట్టి డైరెక్ట్ చేసిన కిరిక్ పార్టీ మూవీ నుంచే హీరోయిన్ గా పరిచయం అయ్యింది రష్మిక. కాని ఆ విషయాన్ని బాలీవుడ్ మీడియాకు ఇచ్చిన ఇంటర్వ్యూస్ లో ప్రస్తావించేందుకు ఎందుకనో నిరాకరిస్తోంది. ఒక్క రిషబ్ విషయంలో మాత్రమే కాదు కన్నడ సినిమాల గురించి రష్మిక పట్టించుకోవడమే మానేసింది. దాంతో కన్నడిగుల్లో రోజురోజుకు కోపం పెరుగుతోంది. ఈ రోజు ఆమెను పరిశ్రమ నుంచి భహిష్కరించాలనే ఉద్యమం మొదలైంది.