ప్రభాస్ తో హారర్ కామెడీ సినిమా
By KTV Telugu On 27 November, 2022
మరో సారి వార్తల్లోకి మారుతి మూవీ
ముగ్గురు కథానాయికలు ఖరారు
ప్రభాస్ చేతిలో చాలా చిత్రాలు ఉన్నాయి. వీటిల్లోకి మరో మూవీ వచ్చి చేరబోతోంది. అదే మారుతితో పాన్ ఇండియా ఫిల్మ్.
ఒకవైపు ఆదిపురుష్ లో నటిస్తూనే, ఇంకో వైపు సలార్ కంప్లీట్ చేస్తూనే, మారుతితో మూవీ చేయాలనుకుంటున్నాడు ప్రభాస్. ఈ సినిమాకు సంబంధించి ఇఫ్పటికే ఒక షెడ్యూల్ సైతం పూర్తైంది. త్వరలో కీలకమైన షెడ్యూల్ ప్రారంభం కానుంది. అందులో భాగంగా హీరోయిన్స్ పేర్లను మారుతి ఖరారు చేసినట్లు తెలుస్తోంది. మాస్టర్ లో నటించిన మాళవిక మోహనన్, ఇస్మార్ట్ శంకర్ బ్యూటీ నిధి అగర్వాల్, అలాగే దిల్ రాజు నిర్మించిన లవర్ మూవీలో కనిపించిన రిద్దీ కుమార్ ఈ చిత్రంలో ప్రభాస్ కు జోడిగా నటించబోతున్నారట. ఈ సంగతి ఇలా ఉంటే ప్రభాస్ నటించే మరో ప్యాన్ ఇండియా ఫిల్మ్ ఆదిపురుష్ అసలు ఈఏడాది విడుదల అయ్యే అవకాశాలు లేవని బాలీవుడ్ మీడియా చెప్పుకొస్తోంది. ఈ సినిమాలోని గ్రాఫిక్స్ రిపేర్ చేయాలంటే ఈ ఏడాది మొత్తం పడుతుందట. అందుకే ప్రభాస్ సినిమా కోసం సెప్టెంబర్ వరకు వెయిట్ చేయాల్సిందే. ఎందుకంటే ఆరోజే సలార్ రిలీజ్ అవుతోంది.