శర్వానంద్ ఎంగేజ్ మెంట్. త్వరలోనే పెళ్లి కబురు
By KTV Telugu On 27 January, 2023
శర్వానంద్ ఎంగేజ్ మెంట్ హైదరాబాద్ లో ఘనంగా జరిగింది. ఈ నిశ్చతార్థ వేడుకకు
తెలుగు, తమిళ సినీ రంగానికి చెందిన ప్రముఖులు విచ్చేశారు.
వారిలో బొమ్మరిల్లు ఫేమ్ సిద్ధార్ద్ ఉన్నాడు. ఈ హీరో మరో హీరోయిన్ అదితీ రావ్ హైదారీతో కలసి వచ్చాడు.
దాంతో వీరిద్దరి జోడి స్పెషల్ ఎట్రాక్షన్ గా నిలిచింది. 2021లో రిలీజైన మహా సముద్రం కోసం శర్వానంద్, సిద్ధార్థ్, అదితి కలసి నటించారు. బాక్సాఫీస్ దగ్గర ఈ సినిమా పెద్దగా వర్క్ అవుట్ కాలేదు. కాని మూవీలో విలన్ రోల్ చేసిన సిద్ధార్థ్ కు
హీరోయిన్ గా కనిపించిన అదితీరావ్ హైదారీకి మూవీ బాగానే కలిసొచ్చింది. సినిమా సెట్ లో వారి మనసులు కలిశాయి.
అక్టోబర్ 28 అదితిరావ్ హైదారీ బర్త్ డే. ఈ బర్త్ డేను తన బాయ్ ఫ్రెండ్ తో కలసి సెలబ్రేట్ చేసుకుంది అదితి.
గర్ల్ ఫ్రెండ్ పుట్టినరోజు కావడంతో సిద్ధార్థ్ కూడా తన ఇన్ స్టాలో ఆమెతో కలసి ఉన్న ఫోటోను షేర్ చేస్తూ
హ్యాపీ బర్త్ డే ప్రిన్సెస్ ఆఫ్ హార్ట్ అంటూ పెద్ద పోస్ట్ రాసుకొచ్చాడు. ఆ పోస్ట్ తో వీరిద్దరి లవ్ స్టోరీ కన్ ఫామ్ అయిపోయింది.
ఆ తర్వాత వీరిద్దరు తరచూ ఎయిర్ పోర్ట్స్ లో కనిపించడం మొదలు పెట్టారు. తమ రిలేషన్ ను చాలా వరకు కన్ ఫామ్ చేసారు. ఇక పెళ్లి వార్త ఎప్పుడు చెబుతారు అనేది ఇప్పుడు హాట్ టాపిక్ గా మారింది.