ఆకాశమే హద్దుగా అడివిశేష్ ఇంటర్నేషనల్ రేంజ్ లో గూఢచారి
By KTV Telugu On 30 December, 2022
ఒక్కో సినిమాతో ఒక్కో మెట్టు ఎక్కుతూ వెళ్లడం అనేది అడవిశేష్ కు తెలియదు. ఒక్కోసినిమా తో ఏకంగా పది పదిహేను మెట్లు ఎక్కేస్తున్నాడు. పూర్తి క్లాస్ హీరో కాదు అలాగని మాస్ ఇమేజ్ లేదు. ఉన్నదల్లా కంటెంట్.
ఆ కంటెంట్ ను ఎలా ప్రజెంట్ చేయాలి అనేది శేష్ కు మాత్రమే తెలుసు. అందుకే మేజర్ తో పాన్ ఇండియా ఆడియెన్స్ కు రీచ్ అయ్యాడు. హిట్ -2తో టాలీవుడ్ కు బిగ్ హిట్ ఇచ్చాడు. ఇప్పుడు ఇంటర్నేషనల్ రేంజ్ లో గూఢచారి -2 ప్లాన్ చేస్తున్నాడు. గూఢచారి -2ను అడవిశేష్ జీ5గా పిలుస్తున్నాడు. వినయ్ కుమార్ అనే దర్శకుడు
ఈ పాన్ ఇంటర్నేషనల్ ఫిల్మ్ తెరకెక్కించబోతున్నాడు. జనవరి 9న గూఢచారి -2కు సంబంధించిన గ్లింప్స్ రిలీజ్ కానుంది. మరో విశేషం ఏంటంటే ఈ సినిమాను ముగ్గురు నిర్మాతలు అంటే ది కశ్మీర్ ఫైల్స్, కార్తికేయ 2, మేజర్ చిత్రాలను నిర్మించిన నిర్మాణ సంస్థలు సంయుక్తంగా నిర్మించబోతున్నాయి.
గూఢచారి మొదటి భాగం ఎక్కడైతే పూర్తైందో సరిగ్గా అక్కడి నుంచే పార్ట్ – 2 స్టోరీ స్టార్ట్ అవుతుంది అట.