బిగ్ బాస్ హోస్ట్ లు మారిపోనున్నారా?
By KTV Telugu On 24 December, 2022
బిగ్ బాస్ 6 తెలుగు వర్షన్ రీసెంట్ గా ఫినాలేను పూర్తి చేసుకుంది. సింగర్ రేవంత్ 6 సీజన్ కు విన్నర్ గా నిలిచాడు.
ఎప్పుడైతే సీజన్ 6 ముగిసిందో ఆ వెంటనే బిగ్ బాస్ తెలుగు హోస్ట్ మారబోతున్నాడంటూ వార్తలు షికార్లు చేయడం ప్రారంభమైంది. నెక్ట్స్ సీజన్ కోసం బిగ్ బాస్ నిర్వాహకులు నాగార్జున స్థానంలో బాలయ్యను తీసుకురాబోతున్నట్లు బాగా ప్రచారం సాగుతోంది. ఆహాలో టెలికాస్ట్ అవుతున్న అన్ స్టాపబుల్ తో బాలయ్య సృష్టిస్తున్న సెన్సేషన్ అంతా ఇంతా కాదు. మొదటి సీజన్ ను మించి సెకండ్ సీజన్ దుమ్మురేపుతోంది. ఇటీవలే ప్రభాస్, త్వరలో పవన్ కూడా షోకు విచ్చేయబోతున్నారు. ఈ ఒక్క షోతో బాలయ్య ఒక కొత్త ఇమేజ్ అందుకున్నాడు. ఇప్పుడు అదే స్పీడ్ లో బిగ్ బాస్ హోస్ట్ గా మారే అవకాశాలు ఎక్కువగా కనిపిస్తున్నాయి. బిగ్ బాస్ తెలుగు వర్షన్ ను మొదట తారక్, ఆ తర్వాత నాని, నాగార్జున హోస్ట్ చేస్తూ వచ్చారు. ఇప్పుడు బాలయ్య ఎంట్రీ ఇస్తే ఈ షో రేంజ్ మారే అవకాశాలు కనిపిస్తున్నాయి. మరోవైపు తమిళంలో కూడా బిగ్ బాస్ హోస్ట్ ఛేంజ్ కానున్నాడు అంటున్నారు తమిళ తంబీలు. ఇప్పటికే 6 సీజన్స్ హోస్ట్ చేస్తూ వచ్చిన కమల్ విక్రమ్ సూపర్ సక్సెస్ తర్వాత ఈ షోకోసం టైమ్ కేటాయించలేకపోతున్నారట. అందుకే బిగ్ బస్ నిర్వాహకులకు షోకు గుడ్ బై చెప్పబోతున్నట్లు తెలిపారట. త్వరలో జరగబోయే బిగ్ బాస్ తమిళం సీజన్ 6 ఫినాలేలో ఈ విషయాన్ని వెల్లడించబోతున్నారట. నెక్ట్స్ సీజన్ కోసం లిటిల్ స్టార్ శింబును బిగ్ బాస్ నిర్వాహకులు రంగంలోకి దింపాలనుకుంటున్నారట.