RRR హీరోల మధ్య బాక్సాఫీస్ యుద్దం?
By KTV Telugu On 3 February, 2023
త్రిబుల్ ఆర్ లో నటించి గొప్ప స్నేహాన్ని చాటారు రామ్, భీమ్, అలియాస్ రామ్ చరణ్ , తారక్. రాజమౌళి దగ్గర డేట్స్ ఉంటే త్రిబుల్ ఆర్ -2 చేసేందుకు రెడీగా ఉన్నారు. అయితే అంతకంటే ముందు క్లాష్ కు రెడీ అవుతున్నారు అంటున్నారు ఇండస్ట్రీ వర్గాలు. త్రిబుల్ ఆర్ తర్వాత రామ్ చరణ్ నటిస్తున్న సినిమా, అలాగే తారక్ నటిస్తున్న సినిమా ఒకే రోజుకు కాకపోయినప్పటికీ ఒకే సీజన్ లో విడుదల అయ్యే అవకాశాలు ఎక్కువగా ఉన్నాయి. 2024 ఏప్రిల్ 5ను కొరటాల దర్శకత్వంలో తారక్ నటించే చిత్రం రిలీజ్ కానుంది. ఈ మూవీని ఈ నెలలోనే ఘనంగా ప్రారంభించనున్నారు.
మార్చిలో రెగ్యూలర్ షూటింగ్ ప్రారంభించనున్నారు. వచ్చే ఏడాది ఏప్రిల్ కు విడుదలకు సిద్దం చేయనున్నారు.
మరోవైపు శంకర్ దర్శకత్వంలో రామ్ చరణ్ నటించే చిత్రాన్ని నిజానికి 2024 సంక్రాంతికి విడుదల ప్లాన్ చేసినప్పటికీ,
ఆ సమయంలో శంకర్ తెరకెక్కిస్తున్న మరో సినిమా భారతీయుడు -2 రిలీజ్ కానుందట. అందుకే రామ్ చరణ్ చిత్రాన్ని వేసవిలో విడుదలకు సన్నాహాలు చేస్తున్నారట. తారక్ ఎలాగూ ఏప్రిల్లో వస్తున్నందున మేలో మెగా పవర్ స్టార్ వచ్చే అవకాశాలు ఎక్కువగా ఉన్నాయి. అయితే ఈ ఇద్దరి హీరోల సినిమాలు ఒకే రోజు రిలీజ్ అయ్యే అవకాశాలు మాత్రం లేవు.