ఒకే వేదికపైకి చిరు బాలయ్య రానున్నారా?
By KTV Telugu On 31 December, 2022
సంక్రాంతికి రిలీజ్ అవుతున్న రెండు తెలుగు చిత్రాలు వీర సింహారెడ్డి, వాల్తేరు వీరయ్య సినిమాల
ప్రీ రిలీజ్ ఈవెంట్స్ కు విచ్చేస్తోన్న ముఖ్య అతిథులు ఎవరూ అనేది ఇప్పుడు హాట్ టాపిక్ గా మారింది.
వీర సింహా రెడ్డి సినిమా ప్రీ రిలీజ్ ఈవెంట్ కు పవర్ స్టార్ పవన్ కళ్యాణ్ రాబోతున్నట్లు జోరుగా ప్రచారం సాగుతోంది.
పవన్ ఇప్పటికే అన్ స్టాపబుల్ కు కూడా వచ్చాడు. దాంతో అదే స్పీడ్ లో బాలయ్య కోసం వీర సింహారెడ్డి ప్రీ రిలీజ్ ఈవెంట్ కు కూడా విచ్చేయనున్నాడని జోరుగా ప్రచారం సాగుతోంది. పవర్ స్టార్ వీరసింహారెడ్డి కోసం వెళితే మరి వీరయ్య కోసం ఎవరు వస్తారు అనేది ముందు నుంచి జరగుతున్న చర్చ. నిజానికి వీరసింహారెడ్డి, వాల్తేరు వీరయ్య చిత్రాలను మైత్రీ మూవీస్ నిర్మిస్తోంది. అందుకే ఈ రెండు చిత్రాల హీరోలను ఒకే వేదికపైకి తీసుకొచ్చే ఆలోచన చేస్తోందట. వాల్తేరు వీరయ్య ప్రీ రిలీజ్ ఈవెంట్ కు వీర సింహా రెడ్డిని ముఖ్య అతిథిగా ఆహ్వానించే పనిలో ఉందట మైత్రీ మూవీ మేకర్స్. ఒకే వేదికపై చిరు, బాలయ్యలను చూసేందుకు టాలీవుడ్ చాలా ఏళ్లుగా ఎదురు చూస్తోంది. ఈ డ్రీమ్ ఈ సంక్రాంతి పండగ లోపు వాల్తేరు వీరయ్య ప్రీ రిలీజ్ ఈవెంట్ ద్వారా నెరవేరే అవకాశాలు కనిపిస్తున్నాయి.