తమిళంలో మోస్ట్ వాంటెడ్ సునీల్. అంతా పుష్ప ఎఫెక్ట్
By KTV Telugu On 9 November, 2022
ప్రతినాయకుడిగా దూసుకుపోతున్న సునీల్
ముందు కమెడియన్ , ఆ తర్వాత హీరో, తర్వాత మళ్లీ కామెడీ, ఇప్పుడు సీరియస్ విలన్.
తెలుగు సినిమా రంగంలో సునీల్ ప్రస్థానం ఇది. ఇప్పుడు అతని డేట్స్ కోసం కోలీవుడ్ లో కూడా డిమాండ్ ఏర్పడింది.
పుష్ప-1లో సునీల్ చేసిన మంగళం శీను పాత్ర అతనికి ఎనలేని గుర్తింపు తీసుకొచ్చింది. ముఖ్యంగా కోలీవుడ్ లో సునీల్ విలనీ కి డిమాండ్ ఏర్పడింది. ప్రస్తుతం శివకార్తికేయన్ నటిస్తున్న మావీరన్ లోనూ , అలాగే హీరో కార్తి కొత్త చిత్రం జపాన్ మూవీలోను సునీల్ ప్రతినాయకుడి పాత్ర చేస్తున్నాడు. ఈ రెండు చిత్రాలకు సునీల్ బల్క్ గా డేట్స్ కేటాయించాడట.
రవితేజ నటించిన డిస్కో రాజాతో విలన్ గా మారాడు సునీల్. ఆ తర్వాత ఓటీటీ ఫిల్మ్ కలర్ ఫోటో సునీల్ విలనీకి బాగా గుర్తంపు తీసుకొచ్చింది. ఇటీవల విడుదలైన గాడ్ ఫాదర్ లోనూ నెగిటివ్ షేక్ ఉన్న క్యారెక్టర్ లో నటించాడు. పుష్పతో ప్యాన్ ఇండియా విలన్ గా మారాడు. ఈ రెండు చిత్రాల తర్వాత పుష్ప-2లోనూ సునీల్ విలనీ అలరించనుంది.