100 కోట్లు దాటిన సార్ సినిమా.. ధనుష్ కెరీర్ లో మరో హిట్
By KTV Telugu On 4 March, 2023
ధనుష్ నటించిన మొదటి తెలుగు సినిమా సూపర్ డూపర్ హిట్టైంది.
ఈ విషయంలో మిగితా తమిళ హీరోలకంటే ధనుష్ చాలా లక్కీ అనే చెప్పాలి.
తెలుగు రాష్ట్రాల నుంచి ఒకటి కాదు రెండు కాదు దాదాపు 30 కోట్లకు పైగా రాబట్టాడు ధనుష్.
అమెరికా, యూకే లోనూ ఈ చిత్రం భారీ వసూళ్లను అందుకుంది. ధనుష్ కెరీర్ లోనే హైయ్యెస్ట్ కలెక్షన్స్ వచ్చాయి.
వరుసగా ప్రేమకథలు తెరకెక్కిస్తూ వచ్చిన వెంకీ అట్లూరి సార్ సినిమా ట్రాక్ మార్చి ఆశ్చర్యపరిచాడు.
సీరియస్ మూవీ తో సరాసరి వంద కోట్ల రాబట్టాడు. సితారా ఎంటర్ టైన్ మెంట్స్ పై తెరకెక్కిన ఈ సినిమాను
ఇటీవలే బాలకృష్ణ చూసి ప్రశంసించాడు. ఇక సార్ వంద కోట్ల లెక్క వైపు చూస్తే, తెలుగులో 30 కోట్లు, తమిళం నుంచి 36 కోట్లు, కర్నాటక నుంచి 7 కోట్లు ఓవర్సీస్ మార్కెట్ నుంచి 22 కోట్లు వచ్చాయి. గత ఏడాది విడుదలైన తిరు చిత్రం తర్వాత ధనుష్ మరోసారి 100 కోట్ల వసూళ్లను చూసాడు. తిరు తమిళంలో వంద కోట్లు రాబడితే, సార్ మూవీ పర్ఫెక్ట్ బైలింగువల్ మూవీగా నిలిచి 100 కోట్లకు రాబట్టింది. సార్ తర్వాత ధనుష్ క్యాప్టెన్ మిల్లర్ అనే యాక్షన్ మూవీలో నటిస్తున్నాడు. ఈ సినిమా తర్వాత రాయన్ అనే మూవీలో కనిపించబోతున్నాడు. అలాగే శేఖర్ కమ్ములతో మూవీ లైన్ లో ఉంది.