రాజమౌళి లిస్ట్ లో మరో మూవీ.. మహేష్ మూవీ తర్వాత ఆ చిత్రమే
By KTV Telugu On 1 January, 2023
RRR తర్వాత మహేష్ తో మూవీ చేస్తున్నాడు రాజమౌళి. ఈ సినిమాకు సీక్వెల్స్ ఉండే విధంగా స్టోరీ సిద్ధమవుతోందని ఇప్పటికే చెప్పేశారు. 2023లోనే ఈ ప్రతిష్టాత్మక పాన్ వరల్డ్ మూవీ సెట్స్ పైకి వెళ్లనుంది. మహేష్ మూవీ ఇంకా సెట్స్ పైకి వెళ్లలేదు. షూటింగ్ ప్రారంభం కాలేదు. అప్పుడే రాజమౌళి ఆ తర్వాత చేయబోయే సినిమా పై రూమర్స్ మొదలయ్యాయి. దర్శకధీరుడు ఈసారి లోకనాయకుడితో మూవీ చేయబోతున్నాడని కోలీవుడ్ లో జోరుగా ప్రచారం సాగుతోంది. మహేష్ తో మూవీ తర్వాతే ఈ క్రేజీ కాంబినేషన్ లో సినిమా పట్టాలెక్కనుందట. ఇప్పటికే RRR సీక్వెల్ ఉంటుందని ప్రకటించాడు రాజమౌళి. ఇప్పుడు కమల్ తో మూవీ అంటే జక్కన్న ఫ్యూచర్ ప్లాన్స్ ఏంటి అనేది చాలా కన్ ఫ్యూజన్ గా మారింది. అసలే సినిమాకు మూడు నుంచి నాలుగేళ్లు తీసుకుంటున్నాడు రాజమౌళి.
ఇదే లెక్కను ఫాలో అయ్యి మహేష్ తో మూవీ అంటే కమల్ సినిమా థియేటర్స్ లోకి వచ్చే వరకు మరో పదేళ్ల సమయం పడుతుంది. ఏది ఏమైనా రాజమౌళి దర్శకత్వంలో కమల్ హాసన్ మూవీ అంత నమ్మబుద్ధిగా అయితే లేదు.
టోటల్ స్టోరీలో ట్విస్ట్ ఏంటంటే బాహుబలి 2కి సీక్వెల్ కూడా ఉందని గతంలో ఒక ఇంటర్వ్యూలో చెప్పుకొచ్చాడు రాజమౌళి. తన చేతిలో ఇన్ని చిత్రాలు పెట్టుకుని లోకనాయకుడితో మూవీ ఎప్పుడు పట్టాలెక్కిస్తాడో రాజమౌళి.