నటి హేమకు భారీ షాక్..మరోసారి రేవ్ పార్టీ లో డ్రగ్స్
By KTV Telugu On 13 September, 2024
KTV TELUGU :-
బెంగళూరు రేవ్ పార్టీ సినీ, రాజకీయ రంగాల్లో సంచలనంగా మారింది. హైద్రాబాద్‌కు చెందిన వాసు ఈ పార్టీని నిర్వహించినట్టు.. ఆ పార్టీలో హేమ దొరికినట్టు బెంగళూరు పోలీసులు ప్రకటించిన సంగతి తెలిసిందే. కానీ హేమ మాత్రం బుకాయిస్తూనే వచ్చింది. చివరకు బర్త్ డే కేక్ తినేసి వచ్చానని చెప్పేసింది. ఇలా హేమ ఆడిన నాటకాలు జనాల ముందుకు వచ్చాయి. హేమ చెప్పిన మాటల్ని జనాలు ఎవ్వరూ నమ్మలేదు. ఇక ఇప్పుడు బెంగళూరు పోలీసులు వేసిన ఛార్జ్ షీట్‌లో హేమని నిందితురాలిగా పెట్టారట.
బెంగళూరు రేవ్ పార్టీ ఘటనలో కీలక పరిణామం చోటు చేసుకుంది. ఈ కేసుకు సంబంధించిన ఛార్జ్ షీట్‌ను బెంగళూరు పోలీసులు దాఖలు చేశారు. మొత్తంగా 88 మంది నిందితులుగా పోలీసులు పేర్కొన్నారు. 1086 పేజీల ఛార్జ్ షీట్‌లో ఎన్నో విషయాలున్నాయి. ఇందులో హేమను నిందితురాలిగా చేశారు. ఆమె డ్రగ్స్ తీసుకున్నట్టు నిర్దారణ అయిందట. ఆమెతో పాటుగా చాలా మందిని నిందితులుగా పోలీసులు పేర్కొన్నారని సమాచారం.
ఆ రేవ్ పార్టీలో MDMA అనే డ్రగ్‌ను హేమ తీసుకున్నట్టు ఆధారాలు లభించాయట. ఆ మెడికల్ రిపోర్ట్స్‌ని కూడా ఛార్జ్ షీట్‌కి అటాచ్ చేసి కోర్టుకు సమర్పించారట. హేమతో పాటు పార్టీకి వెళ్లిన 79 మందిని నిందితులుగా పేర్కొన్నారని తెలుస్తోంది. పార్టీ నిర్వహించిన 9 మందిపై ఇతర సెక్షన్‌ల కింద కేసులు నమోదు చేశారట. ఎన్డీపీఎస్ సెక్షన్ 27 కింద హేమను నిందితురాలిగా పోలీసులు పేర్కొన్నారని సమాచారం.
రేవ్ పార్టీలో ఆమె పట్టుబడినా కూడా మీడియాని, జనాల్ని, పోలీసుల్ని తప్పుదోవ పట్టించేందుకు చాలా ప్రయత్నాలు చేసింది. ఇంట్లోనే ఉన్నాను.. ఫాం హౌస్‌లో ఉన్నాను అంటూ నాటకాలు ఆడింది. వీడియోలు రిలీజ్ చేసింది. వంటగదిలో బిర్యానీ చేశానంటూ ఇలా వీడియోలని వదిలి నాటకాలు బాగానే ఆడింది. తెరపైనే కాకుండా ఇలా రియల్‌గానూ నటించే ప్రయత్నం చేసింది. కానీ ఆమె నట విశ్వరూపానికి జనాలు పడిపోలేదు. ఆమె అసలు రంగు తెలుసుకుని నవ్వుకున్నారు.
ఓ వైపు పోలీసులు హేమ దొరికినట్టు ఫోటోలు రిలీజ్ చేస్తుంటే.. మరో వైపు బుకాయించే ప్రయత్నం చేస్తూ వచ్చింది. చివరకు రేవ్ పార్టీకి వెళ్లానని, వాసు తన ఫ్రెండ్ పిలిస్తే వెళ్లానని, కేక్ కట్ చేసిన తరువాత అక్కడి నుంచి వచ్చానంటూ కప్పి పుచ్చే ప్రయత్నం చేసింది. ఏదో మీడియానే తనను కావాలని ఇలా బూచీగా చూపిస్తోందంటూ మండి పడింది. కానీ చివరకు హేమ డ్రగ్స్ తీసుకుందని, నిందితురాలే అని పోలీసులు ప్రకటించేశారు. మరి ఇప్పుడు హేమ ఇంకేం చెబుతుందో చూడాలి.
మరిన్ని వార్తలకు ఎక్కడ క్లిక్ చేయండి
మరిన్ని వీడియోలకు ఎక్కడ క్లిక్ చేయండి…