తమ్ముడి బాటలో అన్న.. పెర్ఫామెన్స్ తో కట్టిపడేస్తున్న నందమూరి బ్రదర్స్
By KTV Telugu On 5 January, 2023
నందమూరి బ్రదర్స్ చేస్తున్న ప్రాజెక్ట్స్ ఎంచుకుంటున్న క్యారెక్టర్స్ ఇండస్ట్రీలో హాట్ టాపిక్ గా మారాయి.
భీమ్ క్యారెక్టర్ లో తారక్ దుమ్మురేపితే బింబిసారుడిగా నటవిశ్వరూపాన్ని చూపించాడు కళ్యాణ్ రామ్.
ఇప్పుడు మరోసారి తమ్ముడు తారక్ నే ఫాలో అవుతున్నాడు అన్న కళ్యాణ్ రామ్.
అదుర్స్ మూవీలో ఎన్టీఆర్ డ్యూయల్ రోల్ చేసి ఎంత అల్లరి చేసాడో తెలిసిందే.
ఆ తర్వాత ఇదే ట్రెండ్ ను ఫాలో అయ్యి బింబిసారలో డ్యూయల్ రోల్ చేసి అంతకు మించిన పేరు తెచ్చుకున్నాడు కళ్యాణ్ రామ్. ఈ చిత్రంలో బింబిసారుడిగా దేవదత్తుడిగా రెండు పాత్రల్లోనూ నటవిశ్వరూపాన్ని చూపించాడు కళ్యాణ్ రామ్. బింబిసారలో డబుల్ రోల్ క్యారెక్టర్స్ కళ్యాణ్ రామ్ లో బాగా కాన్ఫిడెన్స్ పెంచింది.
దాంతో ఈసారి త్రిబుల్ రోల్ చేసి ఆడియెన్స్ ను సర్ ప్రైజ్ చేయాలనుకుంటున్నాడు ఈ నందమూరి హీరో.
అమిగోస్ పేరుతో తెరకెక్కుతున్న కొత్త చిత్రంలో కళ్యాణ్ రామ్ త్రిపాత్రాభినయంతో మెప్పించాలనుకుంటున్నాడు.
ఫిబ్రవరి 10 రిలీజ్ కానున్న అమిగోస్ ప్రమోషన్స్ స్టార్ట్ అయ్యాయి. ఇప్పటికే రెండు క్యారెక్టర్స్ కు సంబంధించి లుక్స్ రివీల్ అయ్యాయి. త్వరలో మూడో పాత్ర కు సంబంధించి డీటైల్స్ వెల్లడి కానున్నాయి. జై లవకుశ లో ఎన్టీఆర్ త్రిబుల్ రోల్ చేసి అబ్బురపరిచారు. తెలుగు తెరపై కొత్త సంచలనాలు సృష్టించారు. ఇప్పుడు కళ్యాణ్ రామ్ వంతు వచ్చింది.
అమిగోస్ మూవీతో త్రిబుల్ రోల్ లో దుమ్మురేపబోతున్నాడు. ఒకే పోలీక ఉన్న ముగ్గురు వ్యక్తుల కథగా ఈ చిత్రం తెరకెక్కుతోంది. మరి కళ్యాణ్ రామ్ ఏం చేయనున్నాడో తెలియాలంటే ఫిబ్రవరి రెండో వారం వరకు వెయిట్ చేయాల్సిందే.