వినాయక్ తో రవితేజ ఫిల్మ్.. 15 ఏళ్ల తర్వాత కాంబో రిపీట్?
By KTV Telugu On 3 January, 2023
ధమాకాతో టెర్రిఫిక్ కమ్ బ్యాక్ ఇచ్చాడు రవితేజ. సినిమా రిలీజై 11 రోజులు దాటుతున్నా వసూళ్ల తగ్గడం లేదు సరికదా
కలెక్షన్ల వర్షం కురుస్తోంది. దాంతో ఇప్పుడు వంద కోట్ల క్లబ్ లో చేరువలో ఉంది. ధమాకాతో రవితేజ తన కెరీర్ లో మొదటి వంద కోట్ల సినిమా చూసినట్లు అవుతుంది. ధమాకా దుమ్మురేపుతుండటంతో రవితేజ తగ్గేదేలేదు అంటున్నాడు.
ఇప్పటికే వాల్తేరు వీరయ్యలో తన అన్నయ్య మెగాస్టార్ చిరంజీవితో కలసి నటిస్తున్నాడు.
అదే స్పీడ్ లో వేసవిలో రావణాసుర విడుదల కానుంది. ఇప్పుడు ఈ లిస్ట్ లో వినాయక్ తో రవితేజ చేయబోయే సినిమా కూడా చేరినట్లు బాగా ప్రచారం సాగుతోంది. ప్రస్తుతం ఛత్రపతి హిందీ రీమేక్ కు సంబంధించిన షూటింగ్ కంప్లీట్ చేసి
రిలీజ్ కు రెడీ చేస్తున్నాడు వినాయక్. ఈ మూవీ పనులు పూర్తి కావడంతో టాలీవుడ్ కు తిరిగొచ్చి మెగాస్టార్ తో ఒక సినిమా చేయాలనుకుంటున్నాడు. అయితే చిరు ఇతర ప్రాజెక్ట్స్ లో ఉండటంతో వినాయక్ ప్రస్తుతం రవితేజ డేట్స్ కోసం సీరియస్ గా ట్రై చేస్తున్నాడు. ఇటీవల మాస్ రాజాను కలసి వినాయక్ స్టోరీ కూడా నరేట్ చేసాడట. ఆ స్టోరీ విని ఇంప్రెస్ అయిన రవన్న మూవీ చేసేందుకు గ్రీన్ సిగ్నల్ ఇచ్చాడట. 15ఏళ్ల క్రితం వీరిద్దరి కాంబినేషన్ లో వచ్చిన కృష్ణ సూపర్ డూపర్ హిట్ అయింది.