త్రివిక్రమ్ ఆస్కార్ తెస్తాడా.. తమన్ అంత మాట అనేశాడు ఏంటి?
By KTV Telugu On 30 January, 2023
రాజమౌళి ఒక్కో మెట్టు ఎక్కుతూ ఇండియన్ సినిమా మార్కెట్ ను విస్తరిస్తున్నాడు.
తొలుత బాహుబలి 2 తో పాన్ ఇండియా మార్కెట్ ను తెరిచాడు. ఇప్పుడ త్రిబుల్ ఆర్ తో ఆస్కార్ కు లైన్ క్లియర్ చేసాడు.
ఇదే విషయం తమన్ దగ్గర ప్రస్తావిస్తే, అందుకు ఈ సెన్సేషనల్ మ్యూజిక్ డైరెక్టర్ ఇచ్చిన రిప్లై చాలా విచిత్రం ఉంది.
మమ్మల్ని త్రివిక్రమ్ ఆస్కార్ వరకు తీసుకెళ్తారని చెప్పుకొచ్చాడు. ఈ సమాధానం విని అందరూ అవాక్కయ్యారు.
తమన్ ఏ ఉద్దేశ్యంలో అలా అన్నాడు అనేది హాట్ టాపిక్ గా మారింది. ప్రస్తుతం మహేష్ తో మూవీ చేస్తున్నాడు త్రివిక్రమ్. ఈ సినిమాతో త్రివిక్రమ్ ఆస్కార్ టార్గెట్ గా పెట్టుకున్నాడా లేదా ఫ్యూచర్ లో తెరకెక్కించే సినిమాల విషయంలో గ్లోబల్ అప్పీల్ ఉండేలా ప్లాన్ చేస్తున్నాడా అనేది ఇప్పుడు ఇండస్ట్రీలో అందరూ చర్చించుకుంటున్నారు.
మరోవైపు త్రివిక్రమ్ పై తమన్ కు ఉన్న అభిమానమే ఇలాంటి సమాధానం వచ్చేలా చేసిందనే వార్తలు కూడా ఉన్నాయి.
త్రివిక్రమ్ తో చేతులు కలిపిన తర్వాతే తమన్ సౌండింగ్ లో మార్పు వచ్చింది. ఇన్ స్టెంట్ గా స్టార్ డమ్ వచ్చింది.
అందుకే త్రివిక్రమ్ ను తన గురువుగా భావిస్తాడు తమన్. గురుభక్తిలో భాగంగానే అలాంటి కామెంట్స్ చేసి ఉంటాడు అనేది మరికొందరు చెప్పుకొస్తున్న మాట.