హ్యాట్రిక్ కాంబినేషన్ సెట్ చేసిన నటసింహం
By KTV Telugu On 8 December, 2022
తమన్ ను వదిలి పెట్టలేకపోతున్న బాలయ్య
అనిల్ సినిమాకు కూడా తమనే సంగీతం
అఖండ కోసం బాలకృష్ణ సినిమా కు సంగీత దర్శకత్వం వహించాడు తమన్.
అలా సెట్ అయిన ఈ కాంబినేషన్ ఆ తర్వాత వీరసింహారెడ్డికి కంటిన్యూ అయింది.
ఇప్పుడు అనిల్ రావిపూడి డైరెక్ట్ చేయబోతున్న సినిమాకు కూడా తమనే సంగీత దర్శకుడు అని
చిత్ర యూనిట్ రిలీజ్ చేసిన ముహూర్తం ఫోటో ద్వారా రివీల్ అయింది. అంతకు ముందు బాలీవుడ్ మ్యూజిక్ కంపోజర్ చిరంతన్ భట్ కు ఇలాగే అవకాశాలు ఇస్తూ వెళ్లాడు బాలయ్య. అయితే అఖండతో తమన్ బాలయ్యకు బాగా కనెక్ట్ అయ్యాడు. ఈ సినిమా పాటలు సూపర్ హిట్ కావడం మాత్రమే కాదు బ్యాక్ గ్రౌండ్ స్కోర్ కు అయితే థియేటర్స్ లో సౌండ్ బాక్సులే పడిగిపోయేలా ఇచ్చాడు. అఖండ బ్లాక్ బస్టర్ లో తనవంతు పాత్ర పోషించాడు తమన్. అందుకే వీరసింహారెడ్డికి తననే రిపీట్ చేసాడు బాలకృష్ణ. అందుకు తగ్గట్లే ఈ సినిమా అదిరిపోయే ట్యూన్స్ ఇచ్చాడు తమన్.
రీసెంట్ గా విడుదలైన జై బాలయ్య పాట కూడా నందమూరి అభిమానులను ఉర్రూతలూగిస్తోంది.
అనిల్ రావిపూడి మూవీ అంటే ఇప్పటి వరకు దేవిశ్రీ ప్రసాద్ సంగీతాన్ని అందిస్తూ వస్తున్నాడు.
ఈసారి బాలయ్య కోసం మ్యూజిక్ డైరెక్టర్ ను మార్చాడు అనిల్.