లిప్పులిప్పు క‌లిపి మ‌రీ చెప్పాలా.. ఖ‌ర్మ‌ఖ‌ర్మ!
By KTV Telugu On 31 December, 2022
నరేష్-ప‌విత్రాలోకేష్ త్వ‌ర‌లో భార్యాభ‌ర్త‌లు కాబోతున్నారు. అంటే ఆ మూడుముళ్ల ముచ్చ‌టైతే ఇక‌పై త‌ను ప‌విత్రా నరేష్. లిప్ కిస్‌తో త‌మ బంధాన్ని అఫీషియ‌ల్‌గా ప్ర‌క‌టించారు లేటువ‌య‌సు ప్రేమికులిద్ద‌రూ. ఇద్ద‌రి మ‌ధ్యా కొన్నాళ్లుగా స‌హ‌జీవ‌నం న‌డుస్తోంది. వీరి బంధం ఇక అధికారికం కాబోతోంద‌న్న‌మాట. త్వ‌ర‌లోనే ప‌విత్ర‌ను పెళ్లిచేసుకోబోతున్నాన‌ని న్యూఇయ‌ర్ స్పెష‌ల్ న్యూస్ ఎనౌన్స్ చేశాడు నరేష్
కామెడీ ట్రాక్‌తో గుర్తింపు తెచ్చుకున్న నరేష్ హీరోగా కూడా కొన్ని సిన్మాలు చేశాడు. తర్వాత క్యారెక్ట‌ర్ ఆర్టిస్ట్‌గా బిజీ అయ్యాడు. అయితే అత‌ని వైవాహిక జీవితం మాత్రం ఎప్పుడూ స్థిరంగా లేదు. కొత్త సంవ‌త్స‌రంలో మా జంట‌ను దీవించండ‌ని అడుగుతున్న న‌రేష్‌కి ఇది నాలుగోపెళ్లి. ఇప్పటిదాకా నరేష్‌కు మూడు పెళ్లిళ్లు అయ్యాయి. టీనేజ్‌లో ఉండగా డ్యాన్స్ మాస్టర్ శ్రీను కూతురిని పెళ్లాడాడు. తర్వాత మనస్పర్థలతో వాళ్లిద్ద‌రూ విడిపోయారు. వారి కొడుకే నవీన్ విజయ్ కృష్ణ. ఓ సిన్మాలో హీరోగా చేశాడు. ప్రముఖ రచయిత దేవులపల్లి కృష్ణశాస్త్రి మనవరాలు రేఖా సుప్రియని తర్వాత రెండో పెళ్లిచేసుకున్నాడు నరేష్. ఆమెతో కూడా అత‌ని బంధం కొన్నాళ్లే. మనస్పర్థలతో రెండో భార్య‌తోనూ విడిపోయాడు. వీళ్లిద్ద‌రికీ తేజ అనే కొడుకున్నాడు. తర్వాత 50 ఏళ్ల వయసులో ఏపీ కాంగ్రెస్ నేత ర‌ఘువీరారెడ్డి సోదరుడి కూతురు రమ్య రఘుపతిని పుష్క‌ర‌కాలం క్రితం పెళ్లిచేసుకున్నాడు నరేష్. వీరికి కూడా ఓ బాబున్నాడు. రీసెంట్‌గా ఈ ఇద్ద‌రి బంధం కూడా తెగిపోయింది.
మొద‌టి ఇద్ద‌రు భార్య‌ల‌తో విడిపోయినా పెద్ద‌గా వివాదాలేమీ లేవు. అయితే ర‌మ్యా ర‌ఘుప‌తితో మాత్రం గొడ‌వ‌లు రోడ్డెక్కాయి. బెంగ‌ళూరు హోట‌ల్లో ఘ‌ట‌న‌తో పోలీసులు కూడా ఎంట్రీ ఇచ్చారు. నాలుగోభార్య కాబోతున్న ప‌విత్ర ఈమ‌ధ్య ర‌మ్యా ర‌ఘుప‌తిపై ఫిర్యాదు కూడా చేసింది. సోష‌ల్‌మీడియాలో త‌మ‌పై దుష్ప్ర‌చారం చేస్తోంద‌ని ఆరోపించింది. మూడో భార్య‌తో వివాదాలు న‌డుస్తుండ‌గానే నాలుగోపెళ్లికి ముహూర్తం పెట్టేసుకున్నాడు నరేష్. 62 ఏళ్ల వయసులో మ‌రోసారి మూడుముళ్లు వేయ‌బోతున్నాడు. మ‌రి ఈ సంసార‌మైనా సాఫీగా సాగుతుందో లేదో చూడాలి.