పఠాన్ దెబ్బకు వరుసగా వాయిదాలు
By KTV Telugu On 1 February, 2023
పఠాన్ సినిమా కొల్లగొడుతున్న వసూళ్లు ఆకాశానికి చిల్లు పడిందా అనే విధంగా కుండపోతగా వసూళ్లవర్షం కురుస్తోంది.
ఈ దశలో ఈ సినిమాను తక్కువగా అంచనా వేసిన బాలీవుడ్ యంగ్ హీరో కార్తిక్ ఆర్యన్ తాను నటించిన అల వైకుంఠపురములో హిందీ రీమేక్ షహజాదా ను పఠాన్ రిలీజైన రెండు వారాలకు విడుదలకు ముస్తాబు చేసాడు.
పఠాన్ కు పోటీగా ప్రమోషన్ నిర్వహించాడు. అయితే థియేటర్స్ లోకి అడుగు పెట్టిన పఠాన్
ఒక్కసారిగా విజృంభించడంతో ఈ యంగ్ హీరో బిక్క మొహం వేసాడు. కింగ్ ఖాన్ కు ఎదురెళ్లే సాహసం చేయలేక
ఇప్పుడు తన చిత్రాన్ని వాయిదా వేసాడు. ఫిబ్రవరి 10న రిలీజ్ కావాల్సిన షహజాదాను ఫిబ్రవరి 17కు పోస్ట్ పోన్ చేసాడు.
ఒక్క షెహజాదా మాత్రమే కాదు సమంత నటిస్తున్న ఫస్ట్ పాన్ ఇండియా ఫిల్మ్ శాకుంతలం కూడా వాయిదా పడింది.
ఈ మూవీని హిందీలో భారీ ఎత్తున విడుదల చేయాలనుకున్నారు. సమంతకు ఉన్న క్రేజ్ కారణంగా నార్త్ సైడ్ మార్కెట్ లో భారీ రిలీజ్ ప్లాన్ చేసారు. కాని ఫిబ్రవరి 17కు కూడా పఠాన్ స్పీడ్ తగ్గేలా లేదు. మరో వైపు కార్తిక్ ఆర్యన్ నటిస్తున్న మూవీ రిలీజ్ ఉంది. ఈ దశలో మూవీని పోస్ట్ పోన్ చేయడం బెటర్ అని డిసైడ్ అయ్యాడట దర్శకనిర్మాత గుణశేఖర్