పవన్ కళ్యాణ్ నుంచి మరో రీరిలీజ్ ఈసారి బద్రి
By KTV Telugu On 3 February, 2023
పూరి జగన్నాథ్ లాంటి డ్యాషింగ్ డైరెక్టర్ ఇండస్ట్రీకి పరిచయం అయిన చిత్రం
పవన్ కళ్యాణ్ కు పవర్ స్టార్ ఇమేజ్ అందిచిన మూవీ బద్రి. సరిగ్గా 23 ఏళ్ల క్రితం రిలీజైన ఈ సినిమా
తెలుగు నాట సంచలన విజయం సాధించింది. ఇప్పుడు మరో మారు బద్రిని రీ రిలీజ్ చేసేందుకు
సన్నాహాలు జరుగుతున్నాయి. నిజానికి ఈ చిత్రాన్ని జనవరి 26న విడుదల చేయాలనుకున్నప్పటికీ
సంక్రాంతి సినిమాల హవా ఉండటం పఠాన్ రికార్డులు తిరిగరాస్తుండటంతో వెనక్కి తగ్గారు.
ఆ తర్వాత ఫిబ్రవరి 4న విడుదల చేయాలనుకున్నప్పటికీ అదీ కుదురలేదు.
ఇప్పుడు ఫిబ్రవరి 18న విడుదల చేయబోతున్నారు. శివరాత్రి కానుకగా థియేటర్స్ లోకి తీసుకొస్తున్నారు.
పవర్ స్టార్ మూవీస్ రీ రిలీజ్ ఇప్పుడు సెన్సేషన్ కు మారుపేరుగా మారింది.
ముందు జల్సా రికార్డులను ఖుషి బద్దలు కొట్టింది. ఈ సినిమా తొలి వారం దాదాపు 8 కోట్ల గ్రాస్ వసూళ్లను అందుకోవడం
రీ రిలీజ్ సినిమా విషయంలో కూడా పవర్ స్టామినా చూపించిందనే చెప్పాలి.
ఇప్పుడు రీ రిలీజ్ కు రెడీ అవుతున్న బద్రీ పై అంతే స్థాయిలో అంచనాలు ఉన్నాయి.
పైగా శివరాత్రి సెలవులు కలసి రావడంతో, ఈ సినిమా ఏమేరకు వసూళ్లను అందుకుంటుందో
పవన్ అభిమానులు ఏ స్థాయిలో ఆదరిస్తారో చూడాల్సి ఉంది. మరో విశేషం ఏంటంటే మెగా స్టార్ కెరీర్ లో బిగ్గెస్ట్ లో ఒకటి గా నిలిచిన గ్యాంగ్ లీడర్ మూవీ కూడా ఫిబ్రవరి 11న రిలీజ్ కానుంది. రామ్ చరణ్ బర్త్ డే కానుకగా మగధీరను రీ రిలీజ్ చేసే ప్రయత్నాలు జరుగుతున్నాయి.