పవన్ కళ్యాణ్ మార్షల్ ఆర్ట్స్ చూశారా?
By KTV Telugu On 10 December, 2022
జాని తర్వాత మళ్లీ పవన్ పంచ్
అదిరిపోయిన పవర్ స్టార్ స్టిల్
హరిహరవీరమల్లు సినిమాను పవన్ ఎందుకో ప్రత్యేకంగా తీసుకుంటున్నాడు.
ముందు నుంచి ప్రాజెక్ట్ పై స్పెషల్ ఇంట్రెస్ట్ చూపిస్తున్నాడు.
మొఘల్ కాలం నాటి కథ అని చెబుతున్నప్పటికీ పవన్ మాత్రం తనదైన మార్షల్ ఆర్ట్స్ తో కనువిందు చేసేందుకు సిద్ధమవుతున్నట్లు కనిపిస్తోంది. ముఖ్యంగా ఈ సినిమా ఇంటర్వెల్ దాదాపు 20 నిముషాలు ఉండనుందని
ఆ ఇంటర్వెల్ సినిమాకు ప్రాణం అని బాగా ప్రచారం సాగుతోంది.
హరి హర వీర మల్లు సినిమాకు సంబంధించిన తాను మళ్లీ మార్షల్ ఆర్ట్స్ లో ట్రైనింగ్ తీసుకున్న విషయాన్ని పవన్ స్వయంగా వెల్లడించాడు. తాను ట్విట్టర్ ఎకౌంట్ ప్రారంభించినాటి నుంచి ఏనాడు సినిమాకు సంబంధించిన అప్ డేట్ పెట్ట లేదు పవన్. తొలిసారి హరిహర వీరమల్లు సినిమా కోసం మార్షల్ ఆర్ట్స్ లో మరోసారి ట్రైనింగ్ తీసుకుంటున్న విషయాన్ని వెల్లడించాడు. దాదాపు 20 ఏళ్ల క్రితం పవన్ మార్షల్ ఆర్ట్స్ నేపథ్యంలో జాని చిత్రం చేసాడు. ఈ సినిమా తెలుగు సినిమా చరిత్రలో అతి పెద్ద పరాజయాల ఖాతాలో చేరింది. దాంతో పవన్ రెండు దశాబ్ధాలుగా మార్షల్ ఆర్ట్స్ కు దూరంగా ఉన్నాడు. ఇప్పుడు హరిహర వీరమల్లు కోసం తిరిగి ట్రైనింగ్ మొదలు పెట్టాడు. ట్రైనింగ్ సెషన్ ఇంత సెన్సేషన్ సృష్టిస్తుంటే ఇక సినిమాలో పవర్ స్టార్ ఏ స్థాయిలో విజృంభిస్తాడో ప్రత్యేకంగా చెప్పుకోనక్కర్లేదు.