పుష్ప-2 షూటింగ్ అప్ డేట్.. నాన్నకు ప్రేమతో మూవీతో లింక్
By KTV Telugu On 20 January, 2023
పుష్ప-2 ఏంటి? నాన్నకు ప్రేమతో, రంగస్థలం సినిమాలతో లింక్ ఏంటి అనుకుంటున్నారా
ఈ సినిమాల హీరోలు తారక్, రామ్ చరణ్ పుష్ప2లో నటిస్తున్నారా అని డౌట్ పడకండి.
ఎందుకంటే పుష్ప సీక్వెల్లో నాన్నకు ప్రేమతో, రంగస్థలం సినిమాలో విలన్ గా నటించిన
జగపతిబాబు కూడా నటించబోతున్నాడు. అందుకే పుష్ప-2కు గతంలో సుకుమార్ తెరకెక్కించిన బ్లాక్ బస్టర్స్ కు లింక్ పెట్టాల్సి వచ్చింది. పుష్ప-2లో జగపతి బాబు రోల్ ఏంటి అనేది ప్రస్తుతానికి సస్పెన్స్. ఈ మధ్యే వైజాగ్ లో షూటింగ్ ప్రారంభించుకున్న చిత్రం మరో 10 రోజులు అక్కడే చిత్రీకరణ జరుపుకోనుంది. ఆ తర్వాత మరేడుమిల్లి అడవుల్లో కీలకమైన షెడ్యూల్ జరగనుంది. ఆ తర్వాత చిత్ర యూనిట్ బ్యాంకాక్ వెళ్లనుంది. మొత్తంగా ఆగస్ట్ లేదా సెప్టెంబర్ తో మూవీని కంప్లీట్ చేసి నెక్ట్స్ ఇయర్ లో సినిమాను రిలీజ్ చేసే ప్రయత్నాల్లో ఉన్నాడు సుకుమార్. రష్మిక ఫిబ్రవరి నుంచి షూట్ లో పాల్గొననుంది.