సీనియర్స్ కు విస్తరించిన రీ రిలీజ్ ట్రెండ్
By KTV Telugu On 23 November, 2022
బరిలోకి ఆల్ టైమ్ బ్లాక్ బస్టర్ గ్యాంగ్ లీడర్
నేను తిరిగొస్తాను అంటున్న బాబా
పోకిరితో మొదలైన రీ రిలీజ్ ట్రెండ్, ఇప్పుడప్పుడే తగ్గే సూచనలు కనిపించడంలేదు. 90 ఏళ్ల తెలుగు సినిమా చరిత్రలో తిరుగులేని చిత్రాలుగా, గుర్తింపు తెచ్చుకున్న సినిమాలను ఇప్పుడు రీ రిలీజ్ చేస్తున్నారు. ఇప్పటికే జల్సా వచ్చింది. చెన్న కేశవరెడ్డి వచ్చింది. ఈ మధ్యే వర్షం, బాద్ షా చిత్రాలు కూడా రీ రిలీజ్ అయ్యాయి. ఇప్పుడు ఇదే స్పీడ్ లో మెగాస్టార్ చిరంజీవి నటించిన ఆల్ టైమ్ బ్లాక్ బస్టర్ హిట్ గ్యాంగ్ లీడర్ కూడా రీ రిలీజ్ కానుంది. 4K ప్రింట్ తో గ్యాంగ్ లీడర్ తిరిగి రానున్నాడు. డిసెంబర్ 31న ఈ గ్యాంగ్ లీడర్ ను రీ రిలీజ్ చేసేందుకు ప్రయత్నాలు జరుగుతున్నాయి.
ఇక తమిళ సూపర్ స్టార్ రజనీకాంత్ నటించిన బాబా కూడా న్యూ లుక్ లో తిరిగి రానుంది. అందుకు సంబంధించి రజనీకాంత్ నుంచి పర్మిషన్స్ తీసుకున్నాడు దర్శకుడు సురేష్ కృష్ణ. మహావతార్ బాబాజీ జీవితాన్ని ఆధారంగా చేసుకుని రజనీకాంత్ నటించి, నిర్మించి, స్క్రీన్ ప్లే అందించిన ఈ చిత్రం గతంలో విడుదలైనప్పుడు డిజాస్టర్ గా నిలిచింది. అయినప్పటికీ ఇప్పుడు ఈ మూవీని రీ రిలీజ్ చేయబోతున్నారు. కంప్లీట్ గా న్యూ లుక్ లో మూవీని రీ రిలీజ్ చేస్తానంటున్నాడు సురేష్ కృష్ణ. డిసెంబర్ 12న రజనీకాంత్ పుట్టిన రోజు కానుకగా బాబా మూవీని రిలీజ్ చేయబోతున్నారు.