లాల్ సలామ్ అంటున్న రజనీ?
By KTV Telugu On 5 November, 2022
సూపర్ స్టార్ సరికొత్త సినిమా
మరి కొద్ది గంటల్లో ఎనౌన్స్ మెంట్
రజనీకాంత్ కొత్త సినిమా పేరు ఏంటి జైలర్. కాని సూపర్ స్టార్ ఇంకో మూవీ చేస్తున్నాడు. ఆ సినిమాకు లాల్ సలామ్ అనే టైటిల్ అనుకుంటున్నారు. అయితే ఇది రజనీకాంత్ పూర్తి స్థాయిలో నటించే చిత్రం కాదు. కేవలం అతథి పాత్రలో మాత్రమే నటించనున్నారు. ఆయన కూతురు ఐశ్వర్య రజనీకాంత్ సినిమాను దర్శకత్వం వహించనుంది. విష్ణు విశాల్ హీరోగా నటించనున్నాడు. ఏఆర్ రెహమాన్ మూవీకి సంగీతం అందించబోతున్నాడు. తమిళ నాట అగ్ర నిర్మాణ సంస్థగా వెలుగుతున్న లైకా ప్రొడక్షన్స్ ఈ చిత్రాన్ని భారీ ఎత్తున నిర్మించనుంది. లాల్ సలామ్ అంటే ఇదేదో నక్సలిజం నేపథ్యంలో సినిమా అనుకోవడం సహజం. కాని స్టోరీలైన్ అది కాదట. క్రికెట్ నేపథ్యంలో సినిమా అట. సూపర్ స్టార్ రజనీకాంత్ కోచ్ క్యారెక్టర్ ను చేయబోతున్నారంటూ జోరుగా ప్రచారం జరుగుతోంది. ఐశ్వర్య కోలీవుడ్ స్టార్ హీరో ధనుష్ మాజీ భార్య. ఇటీవలే వీరిద్దరు వేరు పడ్డారు. రజనీకాంత్ కూతురు గతంలో 3 అనే మూవీని తెరకెక్కించింది. ఆ తర్వాత మరో రెండు చిన్న సినిమాలు తెరకెక్కించింది. 2017 తర్వాత దర్శకత్వానికి దూరంగా ఉంటూ వస్తోంది ఐశ్వర్య. ఇఫ్పుడు లాల్ సలామ్ మూవీతో మరోసారి దర్శకురాలిగా మారుతోంది.