రజనీకాంత్ మరో సెన్సేషనల్ ప్రాజెక్ట్
By KTV Telugu On 28 February, 2023
సౌత్ సైడ్ సెన్సేషనల్ ఫిల్మ్స్ కు కాంబినేషన్స్ కు కేరాఫ్ అడ్రస్ గా మారింది హోంబలే ఫిల్మ్స్.
కేజీయఫ్ సిరీస్, కాంతార చిత్రాలతో ఈ బ్యానర్ రేంజ్ ఎక్కడికో వెళ్లిపోయింది.
ప్రస్తుతం దక్షిణాదిన భారీ చిత్రాలు తెరకెక్కిస్తోంది హోంబలే ఫిల్మ్స్.
అందులో సలార్ సినిమా కూడా ఉంది. వీటితో పాటు ఇప్పుడు రజనీకాంత్ తో
హోంబలే ఫిల్మ్స్ వారు భారీ చిత్రాన్ని తెరకెక్కించేందుకు ప్రయత్నాలు చేస్తున్నారు.
చాలా కాలం క్రితమే హోంబలే లో రజనీకాంత్ సినిమా చేయబోతున్నట్లు వార్తలు వినిపించాయి.
ఇప్పుడు ఈ కాంబినేషన్ లో దర్శకుడి పేరు కూడా వినిపిస్తోంది.
ఖైదీ, విక్రమ్ సినిమాలతో సెన్సేషన్ సృష్టించిన లోకేష్ కనగరాజ్ దర్శకత్వంలో
రజనీకాంత్ హీరోగా మూవీని ప్లాన్ చేస్తోంది హోంబలే.
ఈ మూవీని ఖైదీ, విక్రమ్, లియో చిత్రానికి లింక్ గా తెరకెక్కిస్తారా లేక
మరో కొత్త కథతో తెరకెక్కిస్తారా అనేది ఆశక్తిని కలిగిస్తోంది.
రజనీకాంత్ ఇప్పటికే మూడు చిత్రాలతో బిజీగా ఉన్నాడు.
జైలర్, లాల్ సలాం, అలాగే జై భీమ్ దర్శకుడితో మూవీ చేస్తున్నాడు.
మరోవైపు లోకేష్ ముందు లియో కంప్లీట్ చేసి ఆ తర్వాత ఖైదీ 2 తెరకెక్కిస్తానంటున్నాడు.
మరి సూపర్ స్టార్ తో మూవీ ఎప్పుడు ఉంటుంది అనేది వాళ్లే క్లారిటీ ఇవ్వాలి.