సింగిల్ గా వస్తున్న సలార్. సింగిల్ పార్ట్ కు మాత్రమే ప్రభాస్ ప్రిఫరెన్స్..
By KTV Telugu On 10 February, 2023
కేజీయఫ్ సిరీస్ దర్శకుడి సినిమా అందులో బాహుబలి సిరీస్ హీరో ఇండియన్ ఫిల్మ్ బిగ్గెస్ట్ కొలాబ్రేషన్ ఇది.
ఇలాంటి ప్రాజెక్ట్ పై ఎన్ని అంచనాలు ఉంటాయో తెల్సిందే. అందుకే సెప్టెంబర్ 28న రిలీజ్ అవుతున్న ఈ సినిమా పై
దేశ వ్యాప్తంగా సినీ అభిమానులు భారీ అంచనాలు పెట్టుకున్నారు. అయితే సలార్ ఎన్ని భాగాలుగా వస్తుంది అనేది క్యూరియా సిటీని కలిగిస్తోంది. కేజీయఫ్ ను రెండు భాగాలుగా తీసి పాన్ ఇండియా బ్లాక్ బస్టర్స్ అందుకున్నాడు ప్రశాంత్ నీల్. సలార్ కూడా అదే దారిలో వెళ్లనుందని బాగా ప్రచారం సాగింది. చాలా కాలంగా సలార్ రెండు భాగాలుగా రానుందనే వార్త వినిపిస్తూ వస్తోంది. అయితే ఈ రూమర్‌ పై ప్రశాంత్, ప్రభాస్, హోంబలే ఫిల్మ్స్ కన్ ఫర్ మేషన్ ఇవ్వలేదు.
అయితే సలార్ అనేది సింగిల్ పార్ట్ సినిమా అని సలార్ క్యారెక్టర్ కు సీక్వెల్ ఉండదు అనేది శాండల్ వుడ్ వర్గాలు ఇప్పుడు లేటెస్ట్ గా చెప్పుకొస్తున్నాయి. అయితే రాఖీ భాయ్ క్యారెక్టర్ దారిలోనే ఫ్యూచర్ లో సలార్ క్యారెక్టర్ ను కేజీయఫ్ యూనివర్స్ లోకి తీసుకొస్తారని తెలుస్తోంది. భవిష్యత్ లో రాఖీభాయ్, సలార్, యంగ్ టైగర్ క్యారెక్టర్ ప్రశాంత్ నీల్ యూనివర్స్ లో తలపడటం ఖాయమట.