ఖుషిగా లేను అంటున్న సమంత?
By KTV Telugu On 26 January, 2023
మయోసైటీస్ వ్యాధి నుంచి సమంత పూర్తిగా కోలుకోలేదు. కాని షూటింగ్ లో పాల్గొనే ఓపికను మాత్రం అందిపుచ్చుకుంది.
దాంతో ఇమిడియెట్ గా శాకుంతలం సినిమా ప్రమోషన్ లో పాల్గొనడం మొదలు పెట్టింది సామ్. ప్రస్తుతం ముంబైలో సిటాడెల్ వెబ్ సిరీస్ షూటింగ్ లో పాల్గొంటోంది. శాకుంతలం ప్రమోషన్స్ లో పాల్గొననుంది. అలాగే హిందీ వెబ్ సిరీస్ లో నటిస్తోంది. కాని విజయ్ దేవరకొండ మూవీ ఖుషిని మాత్రం సమంత లైట్ తీసుకుంటోంది. అందుకు కారణం ఈ సినిమాలో తన రోల్ అట. ఖుషిలో తన పాత్ర చాలా చిన్నగా ఉండటంతో కథను మార్చి తన క్యారెక్టర్ కు సంబంధించి నిడివి పెంచాల్సిందిగా దర్శకుడు శివకు చాలా సార్లు చెప్పిందట సమంత. కాని దర్శకుడు శివ సమంత రిక్వెస్ట్ ను పట్టించుకోకపోవడంతో లేడీ సూపర్ స్టార్ కావాలనే ఈ సినిమా షూటింగ్ కు దూరంగా ఉంటోందట. ఏది ఏమైనా వరుస పరాజయాలతో కొట్టుమిట్టాడుతున్నాడు విజయ్ దేవరకొండ. ఈ దశలో ఖుషితో కమ్ బ్యాక్ ఇస్తాడు అనుకుంటే ఈ సినిమా పై కూడా లేని పోని రూమర్స్ మొదలయ్యాయి. నిజంగానే సమంత సీరియస్ గా ఉండి షూటింగ్ కు డుమ్మా కొడితే మాత్రం రౌడీకి మరిన్ని ఇబ్బందులు తప్పవు.