జవాన్లోకి మున్నాభాయ్.. సీరియస్ డెసిషన్ తీసుకున్న పఠాన్
By KTV Telugu On 14 March, 2023
పఠాన్ తో షారుఖ్ పవర్ ఫుల్ కమ్ బ్యాక్ ఇచ్చాడు. అదే స్పీడ్ లో తాను నటిస్తున్న మరో మూవీ జవాన్ కూడా రిలీజ్ చేయాలనుకుంటున్నాడు. అయితే ఈ మూవీ షూటింగ్ ఇంకా పెండింగ్ లో ఉండటం మరో వైపు సినిమాలో గెస్ట్ రోల్ చేయాల్సిన హీరోపై కన్ ఫ్యూజన్ ఉండటంతో సినిమా చిత్రీకరణ ఆలస్యమవుతోంది. ముందుగా విజయ్ ఆ గెస్ట్ రోల్ చేస్తాను అన్నాడు. ఆ తర్వాత మనసు మార్చుకున్నాడు. ఆ వెంటనే అల్లు అర్జున్ డేట్స్ కోసం అట్లీ ట్రై చేసాడు.
నాలుగు రోజులు ఆలోచించి బన్ని కూడా తన చేతిలో పుష్ప-2 ఉంది ఈ దశలో జవాన్ లో గెస్ట్ రోల్ చేయలేనని చెప్పుకొచ్చాడు. దాంతో చేసేది లేక షారుఖ్ ఇక మున్నాభాయ్ తో నటింపజేయాలని ఫిక్స్ అయ్యాడట.
సంజయ్ దత్ ఆ పాత్రకు పర్ఫెక్ట్ గా సూట్ అవుతాడని అట్లీ కూడా అంటున్నాడట. అయితే మున్నాభాయ్ దగ్గర ఇప్పటికిప్పుడు డేట్స్ లేవట. అందుకే జవాన్ ముందుగా అనుకున్న విధంగా జూన్ లో రిలీజ్ కావడం సాధ్యం కాకపోవచ్చు అంటున్నాయి బాలీవుడ్ వర్గాలు. దాదాపు 300 కోట్ల బడ్జెట్ తో తెరకెక్కుతున్న జవాన్ లో నయనతార హీరోయిన్ గా నటిస్తోంది. విజయ్ సేతుపతి విలన్ రోల్ చేస్తున్నాడు.