రామ్ చరణ్ ఫ్యాన్స్ కు గుడ్ న్యూస్
By KTV Telugu On 7 February, 2023
వారీసు రిలీజైపోయింది. దిల్ రాజుకు రావాల్సిన లాభాలు వచ్చాయి. ఇక దిల్ రాజు పూర్తి ఫోకస్
శంకర్ దర్శకత్వంలో రామ్ చరణ్ హీరోగా నటిస్తున్న సినిమాపైఉంది. ఈ మూవీని శరవేగంగా పూర్తి చేసి
రిలీజ్ చేసే బాధ్యత పెట్టుకున్నాడు దిల్ రాజు. నిజానికి ఫిబ్రవరి 6కు రామ్ చరణ్, కియారా పై పాట చిత్రీకరించాలనుకున్నాడు శంకర్. కాని కియారా మ్యారేజ్ ప్రీపరేషన్స్ లో ఉండటంతో ఆమెకు కొద్ది రోజులు లీవ్ ఇచ్చారు. పెళ్లి తంతు ముగిసిన వెంటనే రామ్ చరణ్, కియారాలపై పాటను చిత్రీకించనున్నాడు శంకర్.
మరో పైపు ఈ సినిమాను వచ్చే సంక్రాంతికి రిలీజ్ చేయాలనుకుంటున్నాడు శంకర్.
అందుకోసం వచ్చే నెల నుంచే ప్రమోషన్ స్టార్ట్ చేయబోతున్నాడు. మార్చి 27 మెగాపవర్ స్టార్ రామ్ చరణ్ బర్త్ డే.
అందుకే ఈ రోజునే న్యూ లుక్ పోస్టర్ రిలీజ్ చేస్తారట. అలాగే టైటిల్ కూడా రివీల్ చేయనున్నారట.
శంకర్ మేకింగ్ లో తెరకెక్కే ఈ సినిమాకు ముందు అధికారి అనే టైటిల్ అనుకున్నట్లు ప్రచారం సాగింది.
అలాగే విశ్వంభర అనే పేరు కూడా వినిపించింది. కాని శంకర్ స్టైల్ గురించి తెల్సిందే.
మార్చిలో ఎనౌన్స్ చేసే టైటిల్ తోనే సెన్సేషన్ సృష్టించాలనుకుంటున్నాడు శంకర్.
తమన్ సంగీతాన్ని అందిస్తున్న ఈ చిత్రంలో అంజలి కూడా మరో ముఖ్యమైన పాత్రలో నటిస్తోంది.