లిటిల్ సూపర్ స్టార్ హీరోగా కమల్ చిత్రం
By KTV Telugu On 11 March, 2023
గత ఏడాది విడుదలైన విక్రమ్ తమిళనాట సంచలన విజయం సాధించింది.
ప్రపంచ వ్యాప్తంగా 500 కోట్లు రాబట్టింది. దాంతో కమల్ అప్పులన్ని తీరిపోయాయి.
లోకనాయకుడు రెట్టించిన ఉత్సాహంతో కొత్త జీవితాన్ని ప్రారంభించాడు.
ఇదే సమయంలో మధ్యలోనే ఆగిపోయిన భారతీయుడు -2 కూడా తిరిగి ప్రారంభమైంది.
300 కోట్ల భారీ బడ్జెట్ తో ఈ మూవీని తెరకెక్కిస్తున్నారు. విక్రమ్ తర్వాత కమల్ నటిస్తున్న సినిమా కావడంతో
భారీగా రెమ్యూనరేషన్ తీసుకున్నాడట. ఇప్పుడు ఆ డబ్బును అంతా తిరిగి సినిమాల్లోనే పెట్టాలనుకుంటున్నాడు.
తన బ్యానర్ ను కోలీవుడ్ లోనే టాప్ బ్యానర్ గా మార్చేందుకు ప్రయత్నిస్తున్నాడు.
ఇప్పటికే విక్రమ్ తో కలసి 2019 ఒక సినిమాను నిర్మించాడు. అయితే ఈ చిత్రం ఫెయిల్ అయింది.
ఆ తర్వాత శివకార్తికేయన్ సాయి పల్లవి కాంబినేషన్ లో మూవీ ఎనౌన్స్ చేసాడు. ఈ ప్రాజెక్ట్ కూడా పట్టలెక్కలేదు.
ఇఫ్పుడు 2020లో కనులు కనులను దోచాయంటే సినిమాను తీసిన దర్శకుడు చెప్పిన
భారీ బడ్జెట్ మూవీకి గ్రీన్ సిగ్నల్ ఇచ్చాడు. శింబు హీరోగా ఈ చిత్రం తెరకెక్కబోతోంది.
ఈ సినిమా కోసం కమల్ దాదాపు 100 కోట్లు వెచ్చిస్తున్నాడు. కమల్ తీరు చూస్తుంటే హీరోగా కంటే నిర్మాతగానే
ఎక్కువగా రాణించాలనుకుంటున్నట్లు కనిపిస్తోంది.