పండగ చేసుకుంటున్న సూర్య ఫ్యాన్స్
By KTV Telugu On 5 December, 2022
ఆగిపోయిన క్రేజీ ప్రాజెక్ట్, కృతికి బిగ్ షాక్
ఒక సినిమా ఆగిపోతే ఆ హీరో ఫ్యాన్స్ పండగ చేసుకోవడం ఎప్పుడైనా చూశారా. ప్రస్తుతం తమిళనాడులో సూర్య ఫ్యాన్స్ ను చూడండి. వారి ఆనందం మామూలుగా లేదు. తమిళ దర్శకుడు బాలతో సూర్య ఒక సినిమా చేసేందుకు ఒప్పందం కుదుర్చుకున్నాడు. ఈ చిత్రం ఇప్పుడు ఆగిపోయినట్లు అఫీసియల్ ఎనౌన్స్ మెంట్ వచ్చింది. నిజానికి ఈ సినిమా ప్రారంభం అయిన నాటి నుంచి సూర్య ఫ్యాన్స్ నిరుత్సాహంగా ఉన్నారు. పూర్తిగా ఫామ్ కోల్పోయిన బాల లాంటి దర్శకుడితో ఇప్పుడు సూర్య సినిమా చేయాల్సిన అవసరం లేదు అనేది వారి వాదన. ఎట్టకేలకు వారి మాటే నెగ్గింది. అందుకే ఈ ప్రాజెక్ట్ ఆగిపోయిందని తెల్సిన మరుక్షణం గాల్లో తెలుతున్నారు.
ఈ సినిమా ప్రారంభం అయిననాటి నుంచి స్టోరీ విషయంలో సూర్యకు బాలకు మధ్య అభిప్రాయభేదాలు తలెత్తుతూ వచ్చాయి. ఒక దశలో మధ్యలోనే ఈ సినిమా ఆగిపోయినట్లు ప్రచారం కూడా సాగింది. కాని సూర్య పట్టుదలతో ఉండటంతో బాల కూడా స్టోరీ విషయంలో కాస్త వెనక్కి తగ్గాడు. కాని ఎంతకీ అనుకున్న కథ కుదరపోవడంతో ఎట్టకేలకు ఈ ప్రాజెక్ట్ ను పక్కనపెట్టారు వీరిద్దరు. అదే విషయాన్ని అఫీసియల్ గా ప్రకటించాడు బాల. తమ్ముడు సూర్యకోసం సిద్ధం చేసిన కథలు మార్పులు చేర్పులు చేయడం వల్ల అతనితో ఈ సినిమా చేయడం కుదరడం లేదు. మరోసారి మంచి కథ దొరికినప్పుడు మేం ఇద్దరం కలసి సినిమా చేస్తామన్నాడు బాల. ఈ సినిమా ఆగిపోవడం వల్ల సూర్య ఫ్యాన్స్ ఆనందాన్ని వ్యక్తం చేస్తుంటే ఈ సినిమా హీరోయిన్ క్రితీ శెట్టి మాత్రం షాక్ లో ఉంది. ప్రస్తుతం సూర్య శంఖం శివతో భారీ సినిమా చేస్తున్నాడు. ఈ మూవీలో దిశా పటాని హీరోయిన్ గా నటిస్తోంది.