రూట్ మార్చిన యాంగ్రీ స్టార్
By KTV Telugu On 19 November, 2022
వెబ్ సిరీస్ లో నటించేందుకు సిద్ధం
గుడ్ డెసిషన్ అంటున్న ఫ్యాన్స్
గరుడవేగ తో కమ్ బ్యాక్ ఇచ్చాడు రాజశేఖర్. కాని ఆ కమ్ బ్యాక్ ను నిలబెట్టుకోలేకపోయాడు. రీసెంట్ గా శేఖర్ అనే మూవీలో నటించాడు. కాని ఈ సినిమా కూడా నిరుత్సాహ పరిచింది. దాంతో ప్రస్తుతం ఎట్టి పరిస్థితుల్లోనూ ఓ మంచి సినిమాతో హిట్ కొట్టి , బాక్సాఫీస్ రేస్ లోకి తిరిగిరావాలనుకుంటున్నాడు. ఇదే స్పీడ్ లో వెబ్ సిరీస్ లోనూ నటిస్తాను అంటూ అహా నా పెళ్లంట సక్సెస్ మీట్ లో తెలిపాడు. ఇటీవలే జీ5లో విడుదలై మంచి ఆదరణ అందుకుంటోంది అహనా పెళ్లంట వెబ్ సిరీస్. ఈ వెబ్ సిరీస్ లో కూతురు శివాని, రాజ్ తరుణ్ ముఖ్య పాత్రలు పోషించారు.
తెలుగు నాట హీరోలందరూ ఓటీటీలోకి అడుగు పెడుతున్నారు. సాక్షత్తు వెంకటేష్, రానా కలసి రానా నాయుడు అనే వెబ్ సిరీ స్ లో నటించారు. త్వరలో నెట్ ఫ్లిక్స్ లో ఈ వెబ్ సిరీస్ రిలీజ్ కానుంది. నాగ చైతన్య కూడా దూత అనే వెబ్ సిరీస్ లో నటించాడు. ఇలా చెప్పుకుంటూ వెళితే పెద్ద లిస్ట్ అవుతుంది. రాజశేఖర్ కూడా ట్రెండ్ ను ఫాలో అయితే మాత్రం
యాంగ్రీ మ్యాన్ ఫ్యాన్స్ కు పండగే.