సలార్ పై క్లారిటీ.. వీరమల్లు పై కొనసాగుతున్న సస్పెన్స్
By KTV Telugu On 14 February, 2023
పాన్ ఇండియా ప్రాజెక్ట్స్ ను రెండు భాగాలుగా విడుదల చేసి కోట్లు కొల్లగొట్టవచ్చు అని
బాహుబలి, కేజీయఫ్ సిరీస్ లు నిరూపించాయి. అందుకే పాన్ ఇండియా మేకర్స్
ఇప్పుడు సీక్వెల్స్ జపం చేస్తున్నారు. సలార్ సీక్వెల్ పై కొద్ది రోజులుగా రూమర్స్ వినిపిస్తూ వస్తున్నాయి.
ఇప్పుడు అదే రూమర్ నిజమైంది. సలార్ రెండు భాగాలుగా విడుదల కానుంది. మొదటి భాగం సెప్టెంబర్ లో రిలీజ్ అవుతుంది. ఆ తర్వాత తారక్ తో ప్రశాంత్ నీల్ తెరకెక్కించాల్సిన సినిమా పట్టాలెక్కుతుంది.
ఈ ఏడాది డిసెంబర్ నుంచి ఈ సినిమా సెట్స్ పైకి వెళ్లే అవకాశాలు ఎక్కువగా ఉన్నాయి.
జూనియర్ తో మూవీ కంప్లీట్ అయిన తర్వాత అప్పుడు సలార్ 2 సెట్స్ పైకి వెళ్తుందట.
ప్రశాంత్ నీల్ ప్లానింగ్ బాగున్నప్పటికీ కేజీయఫ్ -3 పై మళ్లీ కన్ ఫ్యూజన్ మొదలైంది.
2025లో ఈ చిత్రం సెట్స్ పైకి వెళ్లాల్సి ఉంది. కాని ప్రశాంత్ ఏమో సలార్ సీక్వెల్స్ తారక్ తో సినిమా అంటున్నాడు.
మరి ఈ లెక్కన కేజీయఫ్-3 షూటింగ్ స్టార్ట్ అయ్యేందుకు ఎన్నెళ్లు సమయం పడుతుందో చూడాల్సి ఉంది.
మరో వైపు పవన్ కళ్యాణ్ నటిస్తున్న పాన్ ఇండియా ప్రాజెక్ట్ హరి హర వీరమల్లు సినిమా పై రూమర్స్ మొదలయ్యాయి.
ఈ సినిమాను కూడా రెండు భాగాలుగా తీసుకురానున్నారని బాగా ప్రచారం సాగుతోంది.
ప్రభాస్ నటిస్తున్న మరో పాన్ ఇండియా మూవీ ప్రాజెక్ట్ కే కూడా సిరీస్ రూపంలోనే ప్రేక్షకుల ముందుకు రానుందట.
అయితే ఈ విషయం పై దర్శకుడు నాగ్ అశ్విన్ క్లారిటీ ఇవ్వాల్సి ఉంది.