సంక్రాంతి బరిలోకి బాలయ్య.. చిరు వాల్తేరును వెనక్కి నెట్టిన వీర సింహా రెడ్డి
By KTV Telugu On 12 January, 2023
ఈ సంక్రాంతికి టాలీవుడ్ బాక్సాఫీస్ దగ్గర ఏం జరగనుంది అనేది ఆసక్తికరంగా మారింది.
ఎందుకంటే చిరు చిత్రం వాల్తేరు వీరయ్య కంటే కూడా బాలయ్య నటించిన వీర సింహా రెడ్డి కాస్త్ ఎడ్జ్ చూపిస్తోంది.
అడ్వాన్స్ బుకింగ్ లో బాలయ్య జోరు కనిపిస్తోంది. ఇదే స్పీడ్ లో థియేటర్స్ లో కూడా పాజిటివ్ టాక్ అందుకుంటే మాత్రం, సంక్రాంతికి బాలయ్యను ఆపడం కష్టం. అసలే అఖండ తర్వాత వస్తున్న సినిమా పైగా క్రాక్ తర్వాత గోపీచంద్ మలినేని తెరకెక్కిస్తున్నాడు. శృతి హాసన్ కథానాయికగా నటిస్తోంది. సూపర్ ఫామ్ లో ఉన్న తమన్ సంగీతాన్ని సమకూర్చుతున్నాడు. పుష్ప లాంటి సినిమా తీసి మైత్రీ మూవీ మేకర్స్ ఎంతో ప్రతిష్టాత్మకంగా తీసుకుని ఈ సినిమాను నిర్మించారు. ఈ దశలో వీర సింహా రెడ్డి రిలీజ్ కు ముందు బిజినెస్ పక్కాగా జరిగింది. మరోవైపు చిరు నటించిన ఆచార్య డిజాస్టర్ కావడం, గాడ్ ఫాదర్ యావరేజ్ గా నిలవడంతో వాల్తేరు వీరయ్య బిజినెస్ అనుకున్నంత స్థాయిలో జరగలేదు. అంతే కాదు ఆచార్య, గాడ్ ఫాదర్ ఫలితాలు వాల్తేరు వీరయ్య అడ్వాన్స్ బుకింగ్ పై కూడా ఎఫెక్ట్ చూపించింది. థియేటర్స్ లోకి వచ్చిన తర్వాత మెగాస్టార్ నట విశ్వరూపం చూపిస్తే, మాస్ రాజా తో కలసి చేసిన ట్రాక్ వర్క్ అవుట్ అయితే మాత్రం వీర సింహా రెడ్డికి ఇబ్బందులు తప్పవు. మొత్తంగా చిరు వర్సెస్ బాలయ్య సంక్రాంతి వార్ లో ఎవరు విన్నర్ అనేది మరికొద్ది గంటల్లో తేలిపోనుంది.