అన్ స్టాపబుల్ కు క్యూ కడుతున్న స్టార్స్ నిన్న ప్రభాస్ నేడు..
By KTV Telugu On 16 December, 2022
ఆహాలో బాలయ్య హోస్ట్ చేస్తోన్న షో అన్ స్టాపబుల్.
ఈ షోకు వస్తున్న గెస్టులు వివరాలు చూస్తుంటే మూవీ లవర్స్ కు మైండ్ బ్లాక్ అవుతోంది.
ఇప్పటికే ప్రభాస్ ఎంట్రీ కన్ ఫామ్ అయిపోయింది.
రీసెంట్ గా ఆహా వారు రిలీజ్ చేసిన ప్రభాస్ స్పెషల్ టీజర్ యూట్యూబ్ లో రికార్డులు తిరగరాస్తోంది.
ఇఫ్పుడు ఈ షోకు పవన్ వస్తున్నట్లు గ్రీన్ సిగ్నల్ ఇచ్చేశాడు. దాంతో పవర్ స్టార్ ఫ్యాన్స్ గాల్లో తేలుతున్నారు.
పవన్ చేస్తే సినిమాలు చేస్తాడు. లేదా పొలిటికల్ బ్యాటిల్లో కనిపిస్తాడు.
అలాంటి స్టార్ ఇప్పుడు ఆహా కోసం అది కూడా బాలయ్య హోస్ట్ చేస్తోన్న షో కోసం విచ్చేస్తుండటం
అందర్నీ అబ్బురపరుస్తోంది. బాలయ్యను, పవన్ ను ఒకే ఫ్రేమ్ లో చూసేందుకు నెటిజెన్స్ తహతహలాడుతున్నారు.
పవన్ ఈ షోకు తన బెస్ట్ ఫ్రెండ్ త్రివిక్రమ్ తో పాటు హరి హర వీర మల్లు దర్శకుడు క్రిష్ కలసి వస్తున్నాడని తెలుస్తోంది.
కృష్ దర్శకత్వంలో బాలయ్య గతంలో గౌతమీ పుత్ర శాతకర్ణి చిత్రంలో నటించిన సంగతి తెలిసిందే.
డిసెంబర్ చివరి వారంలో ఈ పవర్ ఫుల్ ఎపిసోడ్ స్ట్రీమ్ కానుందట.