వారసుడు వచ్చాడు.. మరోసారి వంశీ మేకంగ్ పై విమర్శలు
By KTV Telugu On 5 January, 2023
కొద్ది రోజులుగా దిల్ రాజు నోటి నుంచి వారీసు, వారసుడు అనే మాట తప్పితే మరో మాట లేదు. విజయ్ తో తీస్తున్న సినిమా కావడంతో కావాల్సిన దానికంటే ఎక్కువే ప్రమోట్ చేసాడు దిల్ రాజు. దాంతో సహజంగానే ఈ సినిమా పై దక్షిణాదిన అంచనాలు పెరిగాయి. జనవరి 11న అజిత్ నటిస్తున్న తునీవు రిలీజ్ కు సిద్ధమవుతోంది కాబట్టి
అదే డేట్ కు ఇఫ్పుడు వారసుడు కూడా వస్తోంది. కోలీవుడ్ ఏదైతే జరగకూడదు అనుకుందో అదే జరుగుతోంది.
వచ్చే పొంగలకు విజయ్ విన్నర్ అవుతాడా లేక అజిత్ విజయం సాధిస్తాడా లేక ఇద్దరూ కలసి బాక్సాఫీస్ ను షేక్ చేస్తారా అనేది మరో వారంలో తెలిసిపోతుంది. ఇక వారసుడు ట్రైలర్ విషయానికి వస్తే ఈ సినిమా ఫక్తు తెలుగు చిత్రంలాగే ఉంది. గతంలో తెలుగులో వచ్చిన గౌతమ్ ఎస్ ఎస్ సి, అజ్ఞాతవాసి, బ్రహ్మోత్సవం, మహర్షి, అల వైకుంఠపురములో చిత్రాలను కలపి వంశీ వారసుడు తీసాడని సోషల్ మీడియాలో రచ్చ రచ్చ అవుతోంది.
ఏది ఏమైనా వారసుడు ట్రైలర్ మాత్రం ముందు నుంచి దిల్ రాజు చెప్పుకొచ్చినంత రేంజ్ లో అయితే లేదు.
ఇలాంటి స్టోరీస్ తెలుగు ప్రేక్షకులు గతంలో అనేక సార్లు చూసి చూసి ఉన్నారు.
మరి సంక్రాంతికి తమిళ, తెలుగు భాషల్లో భారీ ఎత్తున రిలీజ్ అవుతున్న ఈ సినిమా ఏ స్థాయిలో మెప్పిస్తుందో చూడాల్సి ఉంది. గత ఏడాది రిలీజైన బీస్ట్ తొలి రోజే డిజాస్టర్ టాక్ తెచ్చుకుంది. అయితే విజయ్ స్టార్ డమ్ ఈ సినిమాను కాపాడింది.