బాలీవుడ్ కు వెళ్తున్న వీరయ్య, వారసుడు
By KTV Telugu On 11 January, 2023
బాలీవుడ్ హీరోలు పూర్తిగా ప్లానింగ్ మర్చిపోయారు. దాంతో సౌత్ హీరోలు. నార్త్ మార్కెట్ పై మరోసారి దండయాత్రకు రెడీ అవుతున్నారు. వారెవరో కాదు మెగాస్టార్ చిరంజీవి, దళపతి విజయ్. జనవరి రెండోవారంలో సౌత్ లో బడా స్టార్స్ మూవీస్ రిలీజ్ అవుతుంటే బాలీవుడ్ లో మాత్రం చెప్పుకో దగ్గ సినిమాలు విడుదల కావడంలేదు. కుత్తే పేరుతో ఓ మూవీ మాత్రం జనవరి 13న నార్త్ మార్కెట్స్ లో రిలీజ్ అవుతోంది. అర్జున్ కపూర్, టబు లాంటి పాపులర్ స్టార్స్ నటిస్తున్నారు. నార్త్ మార్కెట్ ఇంత ఓపెన్ గా ఉన్నప్పుడు పాన్ ఇండియా మార్కెట్ పై కన్నేసిన హీరోలు ఊరుకుంటారా ముఖ్యంగా మెగాస్టార్ మరోసారి బీటౌన్ కు బయలుదేరుతున్నాడు. గాడ్ ఫాదర్ తర్వాత వాల్తేరు వీరయ్యను అదే టైటిల్ తో హిందీలో రిలీజ్ చేస్తున్నాడు. జనవరి 13న తెలుగుతో పాటు హిందీలోనూ వాల్తేరు వీరయ్య భారీ ఎత్తున రిలీజ్ కానుంది.
టాలీవుడ్ నుంచి చిరు వాల్తేరును బాలీవుడ్ వరకు తీసుకెళ్తుంటే కోలీవుడ్ నుంచి విజయ్ తాను నటిస్తున్న వారసుడు మూవీని నార్త్ మార్కెట్ లో రిలీజ్ చేస్తున్నాడు. కాకపోతే తమిళ టైటిల్ వారీసు తోనే మరోసారి హిందీ మార్కెట్ లోకి అడుగు పెడుతున్నాడు. సో జనవరి 13న హిందీ మార్కెట్ లో కుత్తే అనే బాలీవుడ్ మూవీ, వాల్తేరు వీరయ్య అనే మాస్ మూవీ, వారీసు అనే ఫ్యామిలీ మూవీ నార్త్ ఆఢియెన్స్ అందుబాటులో ఉండనున్నాయి. వీటిల్లో ఏ సినిమాకు వారు జిందాబాద్ కొడతారో చూడాల్సి ఉంది. టాలీవుడ్ లో వాల్తేరు వీరయ్య, వారసుడు, తెగింపు, వీర సింహారెడ్డితో పోరాడుతుంటే హిందీ మార్కెట్ లో కేవలం వారసుడితోనే క్లాష్ ఉండనుంది.