మళ్లీ కలసి నటిసున్న హిట్ పెయిర్?
By KTV Telugu On 28 October, 2022
అజిత్ కు జోడిగా త్రిష?
పొన్నియిన్ తో మారిపోయిన త్రిష ఇమేజ్
సీనియారిటీ వచ్చేసింది. ఇక త్రిష పెళ్లి చేసుకుని సెటిల్ అవుతుంది అనుకున్నారంతా.. కాని త్రిష ఎవరూ ఊహించని విధంగా బౌన్స్ బ్యాక్ అయింది. రెండేళ్ల క్రితం రిలీజైన జానుతో, రీసెంట్ గా విడుదలైన పొన్నియిన్ సెల్వన్ సినిమాల్లో గొప్ప అందంతో మెరిసిపోయింది. నటనలోనూ కొత్తదనం కనిపించింది. ప్రస్తుతం త్రిష చాలా మారిపోయింది. పెద్ద సినిమాలకు, క్రేజీ ప్రాజెక్ట్స్ కు మాత్రమే ఇంపార్టెన్స్ ఇస్తోంది. ఆమె ఎదురు చూసిన విధంగానే అజిత్, విజయ్ నటించే కొత్త చిత్రాల్లో త్రిష కథానాయికగా ఎంపికైందని కోలీవుడ్ చెప్పుకొస్తోంది. విక్రమ్ దర్శకుడు లోకేష్ కనగరాజ్ తన తర్వాతి చిత్రాన్ని విజయ్ తో ప్లాన్ చేస్తున్నాడు. ఈ మూవీలో త్రిషను హీరోయిగా అనుకుంటున్నట్లు చాలా రోజులుగా రూమర్ ఒకటి చెక్కర్లు కొడుతోంది. ఇప్పుడు లెటెస్ట్ గా నయనతార భర్త విఘ్నేశ్ శివన్ అజిత్ హీరోగా ప్లాన్ చేస్తోన్న భారీ బడ్జెట్ మూవీలో త్రిషను కథానాయికగా అనుకుంటున్నారట. అజిత్, త్రిష ఇప్పటికే నాలుగు తమిళ చిత్రాల్లో కలసి నటించారు. సూపర్ హిట్ పెయిర్ గా క్రేజ్ తెచ్చుకున్నారు. జీ, కిరీడమ్, మంగాత్త, ఎంతవాడు గాని మూవీస్ లో వీరిద్దరి జోడి కనువిందు చేసింది. అందుకే ఈ కాంబినేషన్ ను విఘ్నేష్ రిపీట్ చేయాలనుకుంటున్నాడట.