ఈసారి అసలు తగ్గేదేలే… త్వరలోనే పుష్ప-2 టీజర్
By KTV Telugu On 7 November, 2022
సీక్వెల్ రిలీజైతే స్క్రీన్స్ పగిలిపోతాయ్
పుష్ప రిలీజ్ కు ముందే తగ్గేదేలే డైలాగ్ వరల్డ్ ఫేమస్ గా మారింది. అల్లు అర్జున్ కు మ్యానరిజమ్ గా మారింది.
ఇఫ్పుడు ఈ డైలాగ్ ను ఎక్స్ టెండ్ చేసాడు అల్లు అర్జున్. ఈసారి సీక్వెల్లో అసలు తగ్గేదే లేదు అంటున్నాడు.
తమ్ముడు అల్లు శిరీష్ నటించిన ఊర్వశివో రాక్షసివో సక్సెస్ మీట్ కు విచ్చేసిన బన్ని, పుష్ప సీక్వెల్ పై కొత్త అప్ డేట్‌ ఇస్తూ ఈ డైలాగ్ రివీల్ చేసాడు. ఇక కో ప్రొడ్యూసర్ బన్ని వాస్ అయితే పుష్ప సీక్వెల్ రిలీజ్ అయిన రోజున స్క్రీన్స్ పగిలిపోతాయని చెప్పుకొచ్చాడు. ఇఫ్పటి వరకు స్క్రీన్స్ చిరిగిపోవడం మాత్రమే చూశాం. పుష్ప 2 రిలీజైన రోజున మాత్రం,
స్క్రీన్స్ పగిలిపోతాయని సినిమా ఏ స్థాయిలో ఉండనుందో చెప్పుకొచ్చాడు. పుష్ప సీక్వెల్ కు సంబంధించి టీజర్ ఇప్పటికే సిద్ధమైనట్లు సమాచారం. టైమ్ చూసి యూనిట్ టీజర్ రిలీజ్ చేసేందుకు సిద్ధమవుతోంది. బ్యాంకాక్ లోకీలకమైన షెడ్యూల్, అలాగే హైదరాబాద్ లో మరో షెడ్యూల్ ప్లాన్ చేసాడు సుకుమార్. వచ్చే ఏడాది క్రిస్మస్ కానుకగానే పుష్ప 2 రిలీజ్ అయ్యే అవకాశాలు కనిపిస్తున్నాయి.