బన్ని ఫ్యాన్స్ కు బ్యాడ్ న్యూస్
By KTV Telugu On 17 November, 2022
2023లో పుష్పరాజ్ తిరిగిరానట్లే
2024 వరకు వెయిట్ చేయాల్సిందే
వచ్చే ఏడాది డిసెంబర్ లో పుష్ప -2 రిలీజ్ ఉండవచ్చు అనేది ముందు నుంచి ట్రేడ్ వర్గాలు ఎక్స్ పెక్ట్ చేస్తున్నాయి.
అందుకు కారణం పుష్ప-1 డిసెంబర్ లో రిలీజై పెద్ద విజయాన్ని అందుకుంది. ఇప్పుడు పుష్ప-2 ను కూడా 2023 క్రిస్మస్ సీజన్ కు రిలీజ్ చేస్తారని అందరూ ఊహించారు. కాని అలా జరగడం లేదు. 2023లో కాకుండా 2024లో పుష్ప ది రూల్ రిలీజ్ కానుందట. 2024 ఏప్రిల్లో సీక్వెల్ ను రిలీజ్ చేసేందుకు సుకుమార్ సిద్ధమవుతున్నాడని సమాచారం. పార్ట్ 1 రిలీజ్ సమయంలో రిలీజ్ డేట్ ఫిక్స్ కావడంతో కొంత గందరగోళ పరిస్థితులు నెలకొన్నాయి. ఇప్పుడు మైత్రీ మూవీ మేకర్స్ ఆ మిస్టేక్ చేయదలచుకోలేదు. సుకుమార్ కు కావాల్సినంత సమయం ఇవ్వాలి అనుకుంటోంది. డిసెంబర్ నుంచి పూర్తిస్థాయిలో షూటింగ్ ప్రారంభించేందుకు యూనిట్ సిద్ధమవుతోంది. డిసెంబర్ 16న అవతార్ 2 సినిమాతో పాటు పుష్ప2 టీజర్ ను రిలీజ్ చేసేందుకు ఏర్పాట్లు జరుగుతున్నాయి. ఆ టీజర్ లోనే పుష్ప2 రిలీజ్ డేట్ రివీల్ అయ్యే అవకాశాలు ఉన్నాయి.