అన్ స్టాపబుల్ కు పవర్ స్టార్?
By KTV Telugu On 7 October, 2022
అల్లు అరవింద్ కోసమే ఆ నిర్ణయం?
బాలయ్య దెబ్బకు నెటిజెన్స్ థింకింగ్ మారిపోనుందా?
ఆహాలో అన్ స్టాపబుల్ సీజన్ 2 స్ట్రీమింగ్ కు ఏర్పాట్లు జరుగుతున్నాయి. ఈ మధ్యే భారీ ఈవెంట్ నిర్వహించి అంచనాలు పెంచేందుకు టీజర్ కూడా రిలీజ్ చేసారు ఆహావారు. ఈ సంగతి ఇలా ఉంటే అన్ స్టాపబుల్ సీజన్ 2కు వచ్చే గెస్ట్ లిస్ట్ ఇప్పుడు హాట్ టాపిక్ గా మారింది. మొదటి ఎపిసోడ్ కు నారా చంద్రబాబు నాయుడు అతిథిగా రాబోతున్నారు. అందుకు సంబంధించిన షూట్ ఇటీవలే ముగిసింది. ఇంకా అనేక మంది సెలబ్రిటీలు సీజన్ 2లో కనిపించనున్నారని ఆహా టీమ్ చెబుతోంది. ఆ సెలబ్రిటీల లిస్ట్ లో పవర్ స్టార్ పవన్ కళ్యాణ్ పేరు వినిపించడం తెలుగు నాట సెన్సేషన్ సృష్టిస్తోంది. తెలుగులో ఎన్నో శాటీలైట్ ఛానల్స్ ఉన్నాయి. మరెన్నో న్యూస్ ఛానల్స్ ఉన్నాయి. కాని పవన్ ఎప్పుడూ ఇంటర్వూలకు ఇంపార్టెన్స్ ఇవ్వలేదు. ఏ రియాలిటీ షోకు గెస్ట్ గా వెళ్లలేదు. కాని బాలయ్య కోసం అన్ స్టాపబుల్ కు వెళ్తాడా అనేది ఆసక్తికరంగా మారింది. అయితే ఒక లెక్కలో చూస్తే పవన్ వెళ్తాడనే అనిపిస్తోంది అంటున్నారు ఫ్యాన్స్. బాలయ్య పై పవన్ కు కొంత అభిమానం ఉండటం, అల్లు అరవింద్ షోను స్వయంగా పర్యవేక్షిస్తుండటంతో వీరిద్దరి కోసమే ఈ షోకు వెళ్లాలని పవన్ నిర్ణయించుకున్నాడట. అల్లు అరవింద్ కోసం సినిమా చేయాలనుకున్నాడు పవన్. అది కొన్ని కారణాల వల్ల కుదరలేదు. అందుకే ఆహా కోసం ఒక షో చేసి పెట్టాలి అనుకుంటున్నాడు. ఇక బాలయ్య నటించిన శ్రీరామరాజ్యం సినిమా చూసి అప్పట్లో తన స్పందనను బాహాటంగానే చెప్పి ఆశ్చర్యపరిచాడు పవన్. ఏది ఏమైనా అన్ స్టాపబుల్ సీజన్ 2కు పవన్ వస్తే మాత్రం ఆహా కాదు ఓటీటీ వరల్డ్ షేక్ కావడం ఖాయం. ఈ నెలలోనే అన్ స్టాపబుల్ సీజన్ -2 స్ట్రీమింగ్ స్టార్ట్ కానుంది. సెకండ్ సీజన్ కు బాలయ్య దాదాపు 10 కోట్లు రెమ్యూనరేషన్ తీసుకుంటున్నట్లు తెలుస్తోంది. పవన్ తో పాటు చిరు, నాగార్జున కూడా షోకు విచ్చేస్తే చూడాలనుకుంటున్నారు నెటిజన్స