సర్కారు వారి పాట చూసిన బాలయ్య…పరశురామ్ కు సినిమా ఆఫర్
By KTV Telugu On 31 October, 2022
పరశురామ్ మేకింగ్ కు ఫిదా అయిన బాలయ్య…. అందుకే కొత్త సినిమా ఆఫర్
సర్కారు వారి పాట ఎప్పుడు రిలీజైంది. ఇప్పుడు ఆ సినిమాను చూసి బాలయ్య ఫిదా కావడం ఏంటి అనుకుంటున్నారా..? ఈ సంఘటన సర్కారు వారి పాట రిలీజ్ సమయంలోనే జరిగి ఉండవచ్చు. కాని ఇప్పుడు తెరపైకి వచ్చింది. అది కూడా ఊర్వశివో రాక్షసివో సినిమా ప్రీరిలీజ్ ఈవెంట్ లో, పరుశరామ్ ఒక చిన్న హింట్ ఇచ్చాడు. అల్లు అరవింద్ ఆధ్వర్యంలో నడుస్తున్న ఓటీటీ కంపెనీ ఆహా కోసం బాలయ్య అన్ స్టాపబుల్ స్టార్ట్ చేసిన దగ్గరి నుంచి బాలయ్యకు, అల్లు కుటుంబానికి అనుబంధం పెరిగింది. ఈ రిలేషన్ లో భాగంగానే అన్ స్టాపబుల్ 2 చేస్తున్నాడు. ఇప్పుడు అల్లు శిరీష్ కొత్త సినిమా ప్రీ రిలీజ్ ఈవెంట్ కు కూడా విచ్చేశాడు. ఇదే వేదికపై పరశురామ్ తన మనసులో మాట బయటపెట్టాడు. త్వరలో బాలయ్యకు పవర్ ఫుల్ స్టోరీ నరేట్ చేయబోతున్నట్లు తెలిపాడు. అందుకు బాలయ్య కూడా సుముఖంగా ఉన్నట్లు వేదికపైనే కనిపించింది. దాంతో అల్లు అరవింద్ వీరిద్దరిని కలుపుతున్నాడంటూ రూమర్స్ మొదలయ్యాయి. అహా కోసం అన్ స్టాపబుల్ చేస్తున్న అల్లు అరవింద్, గీతా ఆర్ట్స్ బ్యానర్ పై బాలయ్య తో ఒక బ్లాక్ బస్టర్ చేయాలనుకుంటున్నాడు. అందులో భాగంగానే తన బ్యానర్ లో గీత గోవిందం తీసి బ్లాక్ బస్టర్ అందుకున్న పరశురామ్ ను ఎంచుకున్నట్లు తెలుస్తోంది. సర్కారు వారి పాట దర్శకుడు, బాలయ్య కాంబినేషన్, టాలీవుడ్ బాక్సాఫీస్ ఒకసారి అటూ ఇటూ షేక్ కావడం ఖాయం.